ߓߌߟߏ߲ ߂߀߂߅ ߞߏ߲ߞߏߘߓߌ ߕߋ߬ߟߋ߫ ߃ ߡߊ߬߸ ߡߙߊ߬ߒ߬ߡߊ߬ߝߋ߲߬ߕߌ߮ ߘߏ߫ ߟߎ߫ ߕߊ߯ ߘߊ߫ ߓߋ߬ ߛߌ߯ߣߌ߲ߞߊ ߟߎ߬ ߟߊ߫ ߛߊߣߌ߲߫ ߞߏߟߊߘߍ ߘߏ߫ ߞߊ߲߬ ߓߌߘߊ߫߸ ߘߞߏ߫ ߡߙߊ ߘߐ߫߸ ߛߌ߯ߙߌ߲߫ ߡߙߊ߬ߓߊ߰ߘߊ ߞߣߐ߫، ߊ߬ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߣߌ߲߬ ߘߐ߫߸ ߡߐ߰ ߞߋߟߋ߲߫ ߠߋ߬ ߖߐߞߌ߫ ߘߊ߫߸ ߏ߬ ߦߋ߫ ߛߌ߯ߣߌ߲ߞߊ ߟߋ߬ ߘߌ߫߸ ߊ߬ߟߎ߬ ߕߊ߯ ߘߊ߫ ߛߊߣߌ߲߫ ߛߌߦߊߡߊ߲߫ ߠߋ߬ ߝߣߊ߫ ߘߴߊ߬ߟߎ߫ ߝߍ߬.
ߦߋ߲߬ ߡߐ߮ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߡߙߊ߬ߒ߬ߡߊ߬ߟߌ ߣߌ߲߬ ߞߍ߫ ߘߊ߫ ߁߉ߙߋ߲ ߝߊ߲߭ ߝߍ߬ ߟߋ߬߸ ߡߊ߬ߙߌ߬ߝߊ߬ ߞߍߒߖߘߍߡߊ ߟߋ߬ ߣߊ߬ ߘߴߊ߬ߟߎ߬ ߓߟߏ߫ (ߔߋ.ߍߡ.ߊ.ߞ) ߛߊߣߌ߲߫ ߞߏߟߊߘߍ ߣߌ߲߬ ߞߊ߲ߡߊ߬߸ ߞߏߟߊߘߍ ߏ߬ ߡߍ߲ ߕߐ߯ ߞߏ߫: "ߞߟߌߡߊ߲ߖߊߙߏ߫ ߕߙߊߘߌ߲ ߞߐ߲ߔߊߢߌ"߸ ߞߊ߬ ߛߐ߰ ߡߎ߯ߕߋ ߡߊ߬ ߡߎߣߎ߲߬ ߞߏߛߓߍ߫߸ ߞߊ߬ ߕߊ߬ߘߌ߬ߓߊ߬ߕߊߘߌߓߊ ߘߏ߲߬ ߓߊ߯ߙߟߊ ߟߎ߬ ߘߐ߫ ߝߟߐ߫߸ ߞߣߊ߬ߕߏ߫ ߛߊߣߌ߲߫ ߛߌߦߊߡߊ߲߫ ߕߊ߬ ߟߊ߫ ߞߊ߬ ߥߴߊ߬ߟߎ߬ ߦߋ߫.
ߛߙߋߦߊ ߘߏ߫ ߓߍ߫߸ ߊ߲߬ߛߎ߬ߡߊߣ ߖߓߊ߬ߕߍ߫߸ ߏ߬ ߞߊ߬ ߘߏ߫ ߝߐ߫ ߊ߬ ߞߏ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫: <<ߡߐ߰ ߣߊ߯ߣߌ߲߫ ߠߋ߬ ߣߊ߬ ߘߊ߫߸ ߊ߬ߟߎ߬ ߣߌ߫ ߡߙߊ߬ߒ߬ߡߊ߬ߝߋ߲߬ ߜߌߟߌ߲߸ ߦߙߐ߫ ߦߌߘߊߞߟߊ߫ ߞߋߟߋ߲߫ ߕߍ߬ߘߍ߫ ߊ߬ߟߎ߬ ߞߐ߫، ߞߵߊ߬ ߛߐ߬ߘߐ߲߬ ߒߠߋ ߦߋ߫ ߢߍ߲߮ ߞߣߐ߫߸ ߒ ߞߊ߬ ߒ ߕߏ߫ ߦߋ߲߬ ߠߋ߬ ߞߵߊ߬ߟߎ߬ ߟߊߞߙߐ߬ߛߌ߫ ߥߏ߬ߣߍ߲ ߠߊ߫، ߊ߬ߟߎ߫ ߛߐ߰ ߘߊ߫ ߡߎ߯ ߝߏߘߏ߲ ߠߋ߬ ߡߊ߬ ߡߎߣߎ߲߬߸ ߞߣߊ߬ߕߏ߫ ߛߊߣߌ߲ ߕߊ߬ ߟߊ߫߸ ߞߊ߬ ߛߣߌߥߊ߫ ߞߋߟߋ߲߫ ߖߐߞߌ߫.>>
ߡߍ߲ ߖߐߞߌߣߍ߲߫ ߣߌ߲߬߸ ߊ߬ߟߋ ߕߐ߯ ߟߋ߬ ߞߏ߫ ߡߍ߲ߜ߭ ߖ߭ߌߦߊߥߏߡߌ ߛߐ߲ߜ߭߸ ߊ߬ ߦߋ߫ ߛߊ߲߬ ߓߌߛߊ߬ߓߊ߫ ߢߐ߲߰ ߠߋ߬ ߘߐ߫، ߡߙߊ߬ߒ߬ߡߊ߬ߟߌ ߣߌ߲߬ ߞߊ߬ ߕߊ߬ߘߌ߬ߓߊ߬ߕߊߘߌߓߊ ߟߊߘߏ߲߬ ߠߋ߬ ߘߌ߲߬ߞߌߙߊ ߏ߬ ߘߐ߫ ߦߋ߲߬߸ ߞߵߊ߬ ߛߐ߬ߘߐ߲߬ ߞߎߘߊ߫ ߞߍ߫ ߞߏ ߤߊߡߌ߲ ߦߋ߫ ߡߐ߱ ߟߎ߬ ߟߊ߫.
ߡߍ߲ ߓߊ߯ ߓߐ߫ ߊ߬ ߘߐ߫߸ ߊ߲ ߘߴߏ߬ ߞߌ߬ߦߴߊߟߎ߫ ߡߊ߬ ߟߏ߲߫ ߣߊ߬ߕߐ ߟߎ߬ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
