ߞߊ߲ߕߌ߯ ߘߏߣߊߟ ߕߑߙߐ߲ߔ ߦߴߊ߬ ߝߍ߬ ߞߊ߬ ߣߊ߲߬ߝߟߏ߬ ߞߎߘߊ߫ ߘߏ߲߬ ߎ߳ߞߑߙߍߣ ߠߊ߫ ߞߏ ߘߊ ߟߊ߫߸ ߞߊ߬ߦߌ߯ ߊ߬ ߛߌ߰ ߘߊ߫ ߖߡߊ߬ߣߊ ߞߎ߲߬ߠߊ߫ ߞߊ߬ ߓߊ߯ߙߊ ߘߊߡߌ߬ߣߊ߬ ߓߌ߲ߠߊߥߎߟߋ߲ ߠߊ߫߸ ߊ߬ ߕߎ߲߬ ߡߊ߫ ߝߋ߲߫ ߞߍ߫ ߎ߳ߞߑߙߍߣߌ߲߬ ߦߋ߫ ߡߎߣߎ߲߬، ߒ߬ߓߊ߬߸ ߏ߬ ߛߋ߲߬ߢߊ߬ ߝߟߐ ߟߋ߬ ߞߍߕߐ߫ ߢߌ߲߬ ߘߌ߫. ߞߎߡߊ ߣߌ߲߬ ߛߙߋ ߦߋ߫ ߛߌ.ߓߌ߫.ߍߛ ߣߊߥߖ߭ ߟߋ߬ ߘߌ߫.
ߓߐߛߎ߲ ߘߏ߫ ߟߎ߫ ߟߊ߫ ߝߐߟߌ߫ ߘߐ߫߸ ߞߏ߫ ߣߊ߲߬ߝߟߏ ߣߌ߲߬ ߓߕߐ߫ ߕߑߙߐ߲ߔ ߓߟߏ߫ ߟߋ߬߸ ߞߊ߬ ߡߊ߰ ߞߍ߫ ߙߎ߬ߛߌ߬ ߟߊ߫ ߣߍ߲ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߞߋߟߋ߲߫ ߕߍ߫ ߓߙߊ ߘߐ߫، ߓߊߏ߬߸ ߙߎ߬ߛߌ߬ ߓߘߊ߫ ߡߙߊ߬ߒ߬ߡߊ߬ߟߌ ߝߊ߲߬ߞߊߘߏ߲߬ ߕߋ߬ߟߋߝߌ߬ߟߊ ߢߌ߲߬ ߘߐ߫ ߎ߳ߞߑߙߍߣߌ߲߬ ߞߊ߲߬ ߞߏߛߓߍ߫، ߞߊ߬ ߝߌ߬ߙߌ߲߬ߕߊ߬ߥߏ߬ߟߌ ߞߍ߫ ߞߎߟߎ߲ߞߎߟߎ߲ ߠߎ߬ ߟߊ߫߸ ߊ߬ ߣߌ߫ ߓߌ߬ߢߍ߬ߞߌߛߍ ߟߎ߬.
ߡߐ߰ ߞߏ߬ߣߌ߲߬ ߡߊ߫ ߥߊߘߌ ߣߌ߲߬ ߓߐ߫ ߦߙߐ߫ ߖߐ߲ߖߐ߲߫ ߟߐ߲߫ ߝߟߐ߫߸ ߊ߬ ߣߊ߬ߕߐ߫ ߛߌߟߊ ߡߍ߲ ߝߍ߬߸ ߏ߬ ߡߊ߫ ߟߐ߲߫ ߝߟߐ߫، ߓߊ߬ߙߌ߬߸ ߊߡߙߌߞߌ߬ ߞߏߟߊߕߍ߮ ߘߏ߫ ߟߎ߫ ߞߵߊ߬ ߦߌ߬ߘߊ߬ ߛߌ.ߓߌ߫.ߍߛ ߣߊߥߖ߭ ߞߌ߬ߓߊ߬ߙߏ߬ߘߊ ߟߊ߫߸ ߞߏ߫ ߞߊ߬ߦߌ߯ ߖߏ߫ ߓߊߦߌߘߍ߲߫ ߕߋ߬ߟߋ ߘߐ߫߸ ߥߊߘߌ ߘߏ߫ ߟߊ߫ ߞߎߡߊ ߝߐ߫ ߘߊ߫߸ ߡߍ߲ ߕߎ߲߬ ߞߊ߫ ߞߊ߲߫ ߞߊ߬ ߘߌ߫ ߎ߳ߞߑߙߍߣߌ߲߬ ߡߊ߬، ߒ߬ߓߊ߬߸ ߞߏ߫ ߕߑߙߐ߲ߔ ߦߴߊ߬ ߝߍ߬ ߞߊ߬ ߥߊߘߌ ߏ߬ ߟߋ ߟߊߓߊ߯ߙߊ߫ ߣߌ߲߬ ߡߎ߬ߕߎ߲߬ ߛߊ߫߸ ߡߍ߲ ߦߋ߫ ߓߍ߲߬ ߠߊ߫ ߘߟߊ ߥߟߎ߬ߡߊ߫ ߃ ߣߌ߫ ߞߋ߲߬ߥߟߎ߫ ߈߅߀ ߡߊ߬߸ ߖߐ߲߰ߛߊ߫ ߣߊ߲߬ߕߌ߰ߦߊ ߖߐ߯ߙߊ߲ ߣߴߊ߬ ߞߟߍ߬ߡߎߙߊ߲ ߘߏ߫ ߟߎ߫ ߘߌ߫ ߘߌ߫ ߎ߳ߞߑߙߍߣߌ߲߬ ߡߊ߬. ߊߡߙߌߞߌ߬ ߞߏߟߊߕߍ߯ ߞߘߐ ߟߎ߬ ߞߵߵߊ߬ ߦߌ߬ߘߊ߬ ߝߣߊ߫߸ ߞߏ߫ ߘߏߣߊߟ ߕߑߙߐ߲ߔ ߦߴߊ߬ ߝߍ߬ ߞߊ߬ ߝߊ߲߬ߞߊ ߘߏ߫ ߟߊߓߊ߯ߙߊ߫߸ ߣߴߏ߬ ߦߋ߫ ߘߟߊ ߥߟߎ߬ߡߊ߬ ߟߏ߯ߟߎ߫ ߕߊ߭ ߘߌ߫ ߙߎ߬ߛߌ߬ ߓߟߏߝߋ߲߫ ߡߊߣߡߊߙߊߣߍ߲ ߠߎ߬ ߘߐ߫߸ ߞߵߏ߬ ߘߌ߫ ߎ߳ߞߑߙߍߣߌ߲߬ ߡߊ߬، ߞߵߊ߬ ߛߐ߬ߘߐ߲߬ ߜߎ߸ ߖߏ߫ ߓߊߦߌߘߍ߲߫ ߓߊ߬߸ ߊ߬ߟߋ ߓߊ߬߸ ߊ߬ߟߎ߬ ߝߏߦߌ߬ ߕߎ߲߬ ߡߊ߫ ߝߊ߲߬ߞߊ߬ ߛߎ߮ ߏ߬ ߟߊߓߊ߯ߙߊ߫ ߞߘߐ߬ߡߊ߲߬ ߡߎߣߎ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
