ߞߎߣߎ߲߬ ߂߀߂߅ ߕߙߊߓߊ ߕߟߋ߬ ߁߇ ߡߊ߬߸ ߦߊߛߌߣ ߝߊߟ ߦߋ߫ ߕߘߍ߬ ߦߋ߫ ߛߋ߲߬ߠߊ߬ߓߐ߬ߟߌ ߟߊ߫ ߡߏߙߌߕߊߣߌ߫ ߖߡߊ߬ߣߊ ߞߣߐ߫߸ ߦߋ߲߬ ߡߍ߲ ߞߎ߲߬ߠߊ߬ߛߌ߮ ߟߎ߬ ߞߊ߬߸ ߕߎ߲ߞߊߙߊ߲ߒߞߋ ߛߌߦߊߡߊ߲߫ ߜߍ߲߫ ߞߊ߬ ߓߐ߫ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫.
ߛߣߍ߬ߜ߭ߊߟߌ߫ ߞߎ߲߬ߠߊ߬ߛߌ߮ ߟߎ߬ ߖߍ߬ߘߍ ߞߵߊ߬ߟߎ߬ ߞߊ߲ߓߐ߫߸ ߞߵߊ߬ ߓߍ߲߬ ߊ߬ߟߎ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߞߐߛߊߦߌ߲ߞߏ ߡߊ߬، ߛߣߍ߬ߜ߭ߊߟߌ߫ ߞߐߞߊ߲߫ ߞߏߕߌ߯ߘߊ ߡߊ߫ ߖߋ߬ߓߌ߬ ߜߍߣߍ߲߫ ߘߌ߫߸ ߝߐ߰ߓߍ߬ߦߊ߬ߟߊ ߟߎ߬ ߡߊ߬.
ߣߴߊ߲ ߞߵߊ߬ ߡߊߝߟߍ߫߸ ߊ߬ ߥߊ߯ߕߌ߫ ߘߊ߲ߘߐ߫ ߟߋ߬ ߦߋ߫ ߕߋ߲߬߸ ߡߏߙߌߕߊߣߌ߫ ߞߎ߲߬ߠߊ߬ߛߌ߮ ߟߎ߬ ߦߴߊ߬ ߞߊ߲߬ ߞߊ߬ ߖߡߊ߬ߣߊ߬ߘߋ߲ ߜߘߍ߫ ߡߐ߱ ߟߎ߬ ߜߍ߲߫߸ ߞߊ߬ ߓߐ߫ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫߸ ߘߌߦߊߜߏߦߊ ߟߊ߫، ߡߏߙߌߕߊߣ ߞߍ ߞߊ߬ ߕߎ߲ߞߊߙߊ߲ߒߞߋ ߟߎ߬ ߜߍ߲߫ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫ ߘߌߦߊߜߏߦߊ߫ ߟߊ߫߸ ߏ߬ ߟߋ߬ ߡߊ߫ ߓߍ߲߬ ߛߣߍ߬ߜ߭ߊߟߌ߫ ߡߊ߬.
ߞߐ߬ߟߏ߲ ߕߊ߬ߡߌ߲߬ߣߍ߲߸ ߛߣߍ߬ߜ߭ߊߟߌ߫ ߞߐߞߊ߲߫ ߞߏߕߌ߮ ߞߵߊ߬ ߞߊ߲ߠߊߓߐ߫ ߟߋ߬ ߞߊ߬ ߖߡߊ߬ߣߊ߬ߘߋ߲ ߠߎ߬ ߜߍ߲ߠߌ߲ ߞߍߢߊ ߟߊߜߎߝߎ߲߫ ߞߏߛߓߍ߫، ߟߌ߬ߤߟߊ߬ ߛߐ߬ߘߐ߲߬ߣߍ߲ ߠߎ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߊ߬ ߣߌ߫ ߡߏߙߌߕߊߣߌ߫ ߞߊ߲ߕߌ߮ ߡߏߤߊߡߍߘ ߎ߳ߟߌߘ ߛߋߍߞ ߋߟ ߜ߭ߊߛ߭ߑߦߊߣߌ߫ ߞߊ߬ ߢߐ߲߯ߦߋ ߞߍ߫ ߟߋ߬߸ ߊ߬ ߣߌ߫ ߊ߬ ߞߐߞߊ߲߫ ߞߏߕߌ߯ ߝߣߊ߫ ߞߊ߫ ߞߊ߲߫ ߞߊ߬ ߢߐ߲߯ߦߋ ߞߍ߫.
ߛߣߍ߬ߜ߭ߊߟߌߞߊ ߡߍ߲ ߠߎ߬ ߦߋ߫ ߛߌ߱ ߘߐ߫ ߡߏߙߌߕߊߣߌ߫߸ ߞߵߊ߬ ߓߍ߲߬ ߏ߬ ߟߎ߫ ߛߌ߰ ߝߊߘߌ ߡߊ߬، ߛߙߋ ߘߏ߫ ߞߵߊ߬ ߦߌ߬ߘߊߞߊ߬ ߞߏ߫ ߛߣߍ߬ߜ߭ߊߟߌ߫ ߞߊ߲ߕߌ߮ ߞߏ߬ߣߌ߲ ߓߘߊ߫ ߞߎߡߊߢߐ߲߯ߦߊ ߟߎ߬ ߘߊ ߟߊߞߊ߬߸ ߊ߬ ߣߌ߫ ߡߏߙߌߕߊߣߌ߫ ߕߍ߫.
ߛߴߊ߬ ߘߌ߫ ߛߋ߫ ߢߊ ߡߍ߲߸ ߞߴߊ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߜߍ߲ߢߊ ߟߊߜߎߝߎ߲߫߸ ߓߊߏ߬߸ ߕߎ߲ߞߊߙߊ߲ߒߞߋ ߛߌߦߊߡߊ߲߫ ߠߋ߬ ߦߋ߫ ߕߊ߬ߡߌ߲߬ ߠߊ߫ ߛߣߍ߬ߜ߭ߊߟߌ߫ ߣߌ߫ ߡߏߙߌߕߊߣߌ߫ ߓߐߕߏ߲ ߠߊ߫߸ ߛߴߊ߬ߟߎ߬ ߘߌ߫ ߛߋ߫ ߢߊ ߡߍ߲߸ ߞߊ߬ ߋߙߐߔߎ߬ ߡߊߛߐ߬ߘߐ߲߬߸ ߊ߬ ߘߏ߲߬ ߏ߬ ߟߎ߫ ߝߊ߲߬ߓߊ ߦߋ߫ ߛߣߍ߬ߜ߭ߊ߬ߟߌ߬ߞߊ ߟߎ߬ ߟߋ߬ ߘߌ߫
