ߞߏ߲߬ߞߏ߫ ߞߎ߲߬ߠߊ߬ߛߌ߮ ߟߊ߫ ߗߋߘߋ߲ ߠߎ߬߸ ߊ߬ ߣߌ߫ ߍߡ.ߝ߭ߍ߲߫ ߕߙߏߥߊ ߡߙߎߕߟߌ߫ ߕߏ߯ߝߏ ߟߊ߫ ߗߋߘߋ߲ ߠߎ߬ ߞߊ߫ ߞߊ߲߫ ߞߊ߬ ߢߐ߲߯ߦߋ߫ ߜߍ ߣߌ߫ ߜߍ ߟߊ߫، ߡߙߎߕߌߓߊ߮ ߢߌ߲߬ ߠߎ߬ ߞߐߡߊߓߌ߲ߓߌ߲ߣߍ߲߫ ߙߎߥߊ߲ߘߊ߫ ߟߌ߬ ߓߟߏ߫، ߒ߬ߓߊ߬߸ ߊ߬ߟߎ߬ ߟߊ߫ ߢߐ߲߯ߦߋ ߣߌ߲߬ ߓߍߣߊ߬ ߞߍ߫ ߂߀߂߅ ߞߏ߲ߞߏߘߓߌ ߕߋ߬ߟߋ߫ ߉ ߟߊ߫ ߞߕߊߙ߸ ߘߊߘߐߖߊߥߏ ߜߍ ߣߌ߫ ߜߍ ߟߊ߫، ߟߊ߬ߢߌ߬ߣߌ߲߬ ߞߋߟߋ߲߫ ߔߋ߫ ߟߋ߬ ߟߊ߬ߘߍ ߢߌ߲߬ ߠߊ߫߸ ߏ߬ ߞߟߍ߬ ߟߊ߬ߢߐߢߐ߲ ߓߍ߲߬ߞߊ߲ ߘߏ߫ ߛߐ߬ߘߐ߲ ߘߌ߫߸ ߖߐ߲߰ߛߊ߫ ߢߊ߫ ߘߌ߫ ߛߐ߬ߘߐ߲߫ ߡߐ߱ ߟߎ߬ ߣߌ ߣߴߊ߬ߟߎ߬ ߓߟߏߝߋ߲ ߠߎ߫߬ ߟߊߞߊ߲ߘߊ߫ ߞߏ ߡߊ߬، ߞߵߏ߬ ߞߎ߲߭ ߞߍ߫ ߕߌߢߍߟߌ߫ ߛߌߦߊߡߊ߲߫ ߞߍ ߘߌ߫ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߞߣߐ߫.
ߊ߬ߟߎ߬ ߟߊ߫ ߢߐ߲߯ߦߋ ߡߍ߲ ߦߋ߫ ߣߌ߲߬߸ ߘߊߘߐߖߊߥߏ߫ ߜߘߍ߫ ߕߎ߲߬ ߓߘߊ߫ ߞߍ߫ ߟߎߥߊ߲ߘߊ߫ ߞߘߐ߬ߡߊ߲߬߸ ߕߙߊߓߊ ߕߟߋ߬ ߁߈ ߡߊ߬߸ ߏ߬ ߗߌߙߏ߲߫ ߘߊ߫ ߟߋ߬، ߓߊߏ߬߸ ߍߡ.ߝ߭ߍ߲߫ ߕߙߏߥߊ ߞߵߊ߬߬ ߛߋ߲߬ߓߐ߫ ߊ߬ ߘߐ߫ ߟߋ߬، ߏ߬ ߞߍ߫ ߘߊ߫ ߞߏ߲ߞߏ߫ ߞߊ߲ߕߌ߮ ߕߌߛߞߋߘߌ߫ ߣߌ߫ ߙߎߥߊ߲ߘߊ߫ ߞߊ߲ߕߌ߮ ߞߜ߭ߊߡߋ߫ ߟߊ߫ ߢߐ߲߯ߦߋ ߞߐ ߟߋ߬ ߘߐ߫ ߘߏߤߊ߫߸ ߞߕߊߙ ߝߊ߰ߡߊ ߟߎ߬ ߢߊߞߘߐ߫، ߞߊ߲ߕߌ߯ ߝߌ߬ߟߊ ߞߵߊ߬ ߦߌ߬ߘߊ߫ ߦߋ߲߬ ߞߏ߫ ߊ߬ߟߎ߬ ߘߴߊ߬ߟߎ߫ ߟߐ߬ ߊ߬ߟߎ߫ ߟߐ߬ ߦߌߟߊ߸ ߞߵߊ߬ ߓߍ߲߬ ߞߍ߬ߟߍ ߟߊߢߐߢߐ߲߫ ߞߏ ߡߊ߬.
ߞߕߊߙ ߞߐߞߊ߲ߞߏ ߟߎ߬ ߞߏߕߌ߮ ߞߵߊ߬ ߝߐ߫ ߢߐ߲߯ߦߋ ߏ߬ ߟߋ ߘߐ߫߸ ߞߏ߫ ߊ߬ߟߎ߬ ߓߍߣߊ߬ ߟߊ߬ߘߍ ߘߏ߫ ߞߍ߫ ߟߎߥߊ߲ߘߊ߫߸ ߊ߬ ߣߌ߫ ߣߊߦߌߙߏߓߌ߫߸ ߛߊ߫ ߢߊ߫ ߘߌ߫ ߛߐ߬ߘߐ߲߬ ߞߏ ߟߎ߬ ߡߊ߬، ߏ߬ ߓߍ߯ ߗߌߙߏ߲ ߞߐ ߘߐ߫߸ ߟߊ߬ߞߙߐ߬ߛߟߌ߬ߟߊ ߟߎ߬ ߞߊ߲߫ ߞߏ߫ ߕߡߊ߬ߖߌ߬ ߞߋߟߋ߲ ߡߍ߲ ߊ߬ߟߎ ߘߐ߫߸ ߏ߬ ߟߋ ߝߊ߲߭ ߝߌ߬ߟߊ ߟߊ߫ ߢߐ߲߯ߦߋ ߘߌ߫، ߞߏ߫ ߣߌ߫ ߊ߬ߟߎ߬ ߓߍ߯ ߛߋ߫ ߘߴߊ߬ߟߎ߫ ߟߐ߫߬ ߟߴߊ߬ߟߎ߫ ߟߐ߬ ߦߙߐ ߘߐ߫߸ ߛߌߞߊ߫ ߕߍ߫ ߞߏ ߟߎ߬ ߘߐߛߎߡߊ ߘߐ߫.
ߞߍ߬ߟߍ ߣߌ߲߬ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߡߐ߰ ߞߋ߲߬ߥߟߎ ߟߋ߬ ߟߊߓߐ߫ ߊ߬ߟߎ߫ ߣߐ߭ ߘߐ߫߸ ߏ߬ ߓߘߊ߫ ߘߐ߱ ߣߌ߫ ߢߜߊ ߟߊߥߙߊ߬، ߣߌ߫ ߢߊ߫ ߛߋ߫ ߘߊ߫ ߛߐ߬ߘߐ߲߬ ߠߊ߫ ߞߍ߬ߟߍ ߟߊߟߐ߬ ߞߏ ߡߊ߬ ߟߊ߬ߘߍ߫ ߣߊ߬ߕߐ ߣߌ߲߬ ߘߐ߫ ߏ߬ ߘߐ߫߸ ߏ߬ ߟߵߊ߬ ߦߌ߬ߘߊ߬ ߟߊ߫ ߞߏ߫ ߛߊ߲߬ ߦߙߌߞߊ ߥߊ߬ߥߎߟߋ ߣߴߊ߬ ߛߍ߱ ߟߋ߬ ߞߎ߲߭ߝߊ߰ߕߐ ߦߴߏ߬ ߘߌ߫.
ߊ߲ ߧߋ߫ ߞߏ߲ߞߏߘߓߌ ߕߋ߬ߟߋ߫ ߉ ߘߐߞߐ߬ߣߐ߲ ߛߌ߱ ߘߐ߫߸ ߞߵߊ߬ ߟߐ߲߫ ߞߊ߲ ߡߍ߲ ߠߎ߬ ߝߕߐ߫ ߦߋ߲߬.
