ߞߍ߲ߘߍߟߏ߲ ߕߊ߬ߡߌ߲߬ߣߍ߲ ߣߌ߲߬ ߡߊ߬߸ ߕߎ߲ߞߊ߲ߠߊߕߊ߯ ߟߊ߫ ߁߀߀߀ ߣߌ߫ ߞߐ߫ ߟߋ߬ ߛߣߍ߫ ߘߊ߫ ߊߛߡߊߞߊ߫ ߘߎ߱ ߞߣߐ߫، ߦߋ߲߬ ߡߍ߲ ߦߴߊ߬ߟߎ߫ ߘߍ߬ߡߍ߲߬ ߦߙߐ ߘߏ߫ ߘߌ߫ ߞߊ߬ߣߌ߲߬߸ ߣߴߏ߬ ߦߋ߫ ߖߋ߬ߟߌ߬ߓߊ߬ߘߎ߯ ߕߌ߬ߢߍ߬ ߞߊ߲߬ߠߊ ߘߌ߫߸ ߊߟߌߖ߭ߋߙߌ߫ ߓߐߕߏ߲ ߞߍ߬ߙߍ ߝߍ߬، ߊߟߊߙߏߡ ߝߏߣ ߛߊߤߙߊ߫ ߞߙߎ ߟߊ߫ ߝߐߟߌ߫ ߘߐ߫߸ ߊ߬ߟߋ ߡߍ߲ ߦߋ߫ ߕߊ߯ߡߟߊ ߟߎ߬ ߘߍ߬ߡߍ߲߬ ߞߙߎ ߘߌ߫ ߊߛߡߊߞߊ߫ ߘߎ߱ ߞߣߐ߫، ߡߐ߰ ߁߀߀߀ ߣߌ߫ ߞߐ߫ ߡߍ߲ ߠߎ߬ ߦߋ߫ ߕߋ߲߬߸ ߣߌ߲߬ ߛߌߦߊߡߊ߲߫ ߦߋ߫ ߜߟߏ߬ߝߌ߲ ߠߎ߬ ߟߋ߬ ߘߌ߫߸ ߡߍ߲ ߠߎ߬ ߦߋ߫ ߓߐ߫ ߟߊ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߘߐ߫ ߞߣߊ߬.
ߊߟߌߖ߭ߋߙߌ߫ ߕߊ߯ ߘߴߊ߬ߟߎ߫ ߓߌ߬ߟߊ߬ ߡߐ߰ߛߌ߬ ߘߎ߯ ߟߋ߬ ߞߊ߲߬ ߞߏ߲ߞߏ ߞߣߐ߫߸ ߞߌߘߊ߫ ߁߅ ߦߋ߫ ߏ߬ ߡߍ߲ ߣߌ߫ ߊߛߡߊߞߊ߫ ߕߍ߫، ߗߍ߭ ߟߎ߬ ߣߌ߫ ߡߏ߬ߛߏ ߟߎ߬ ߞߵߏ߬ ߕߊ߬ ߞߵߊ߬ ߟߊ߫ ߡߐ߰ߓߊ߬ߞߘߐ ߟߎ߬ ߞߊ߲߬߸ ߊߟߌߖ߭ߋߙߌ߫ ߞߎ߲߬ߠߊ߬ߛߌ߮ ߟߎ߬ ߣߐ߬ ߦߋ߫ ߏ߬ ߟߎ߫ ߟߋ߬ ߟߊߓߐ߫ ߟߴߊ߬ ߟߊ߫ ߖߡߊ߬ߣߊ ߞߣߐ߫، ߞߊ߬ ߥߊ߫ ߏ߬ ߟߎ߫ ߓߌ߬ߟߊ߫ ߖߋ߬ߟߌ߬ߓߊ߬ߘߎ߯ ߘߊ߲߭ ߠߊ߫߸ ߊ߬ߟߎ߬ ߕߊ߯ ߘߴߊ߬ߟߎ߬ ߘߌ߫ ߦߙߐ ߡߍ߲ ߘߐ߫ ߏ߬ ߦߋ߫ ߞߟߌ߫ ߟߊ߫ ߟߋ߬ ߞߏ߫ ߡߐ߰ߒ߬ߕߊ߲߬ߧߊ߬ ߘߌ߲ߞߌߙߊ، ߦߏ߫ ߊ߲ ߕߘߍ߬ ߓߘߊ߫ ߕߊ߬ߡߌ߲߫ ߏ߬ ߞߊ߲߬ ߢߊ߫ ߡߍ߲ ߡߊ߬ ߛߌߛߊ߲߬߸ ߞߵߊ߬ ߝߐ߫ ߞߏ߫ ߞߌߘߊ߫ ߁߅ ߟߋ߬ ߦߋ߫ ߏ߬ ߣߌ߫ ߊߛߡߊߞߊ߫ ߕߍ߫، ߊ߬ ߘߏ߲߬ ߕߎ߲ߞߊ߲ߠߊߕߊ߮ ߟߊ߫ ߟߎ߬ ߞߐߡߊߓߌ߲ߓߌ߲ߓߊ߮ ߦߋ߫ ߊߛߡߊߞߊ߫ ߘߎ߱ ߟߋ߬ ߞߣߐ߫.ߦߏ߫ ߊ߲ ߕߘߍ߬ ߓߘߊ߫ ߕߊ߬ߡߌ߲߬ ߊ߬ߟߎ߫ ߞߐߡߊߓߌ߲ߓߌߓߊ߮ ߟߎ߬ ߟߊ߫ ߞߙߎ ߕߐ߮ ߞߊ߲߬ ߢߊ߫ ߡߍ߲ ߡߊ߬ ߛߌ߬ߛߍ߲߬߸ ߣߴߊ߬ ߦߋ߫ ߞߟߌ߫ ߟߊ߫ ߞߏ߫ ߊߟߊߙߏߡ ߝߏߣ ߛߊߤߙߊ߫.
ߞߙߎ ߣߌ߲߬ ߖߍ߬ߘߍ ߢߍߡߐ߮ ߟߊ߫ ߝߐߟߌ߫ ߘߐ߫߸ ߣߴߊ߬ ߦߋ߫ ߞߏ߲߬ߓߏ ߛߋߞߎ߬ ߊ߬ߖ߭ߌߖ߭ߎ߬ ߘߌ߫، ߏ߬ ߞߵߊ߬ ߟߊߛߙߋߦߊ߫ ߞߏ߫ ߥߊ߯ߕߌ߫ ߟߊߓߊ߲ ߡߍ߲߬ ߠߎ߬ ߟߊ߫߸ ߊߟߌߖ߭ߋߙߌ߫ ߞߊ߬ ߕߋ߬ߟߋ߫ ߝߌ߬ߟߊ߫ ߟߋ߬ ߛߎߥߊ߲ߘߌ߫ ߞߵߏ߬ ߞߍ߫ ߕߎ߲ߞߊ߲ߠߊߕߊ߯ ߟߊ߫ ߟߎ߬ ߜߍ߲߫ ߕߎߡߊ ߘߌ߫، ߞߵߊ߬ߟߎ߫ ߓߌ߬ߟߊ߬ ߡߐ߰ߒ߬ߕߊ߲߬ߧߊ߬ ߜߙߋ ߞߊ߲߬߸ ߏ߬ ߥߊ߯ߕߌ ߡߍ߲ ߞߵߊ߬ ߛߐ߬ߘߐ߲߬ ߕߋ߬ߟߋ ߞߊ߫ ߓߏ߲߬ ߞߏߛߓߍ߫، ߕߊ߯ߡߊߘߋ߲ ߠߎ߬ ߞߊ߬ ߞߌߘߊ߫ ߁߅ ߟߋ߬ ߞߍ߫ ߕߊ߯ߡߊ ߟߊ߫ ߦߊ߬ߣߌ߲߫ ߊ߬ߟߎ߬ ߦߋ߫ ߊߛߡߊߞߊ߫ ߟߊߛߐ߬ߘߐ߲߬߸ ߛߋߞߎ߬ ߊ߬ߖ߭ߌߖ߭ߎ߬ ߟߊ߫ ߝߐߟߌ߫ ߘߐ߫߸ ߛߊ߲߬ߡߊߘߊ ߖߍ߬ߘߍ ߕߍ߫ ߘߏ߫ ߟߎ߫ ߛߋ߲߭ ߘߐ߫߸ ߖߊ߲߬ߞߊ߬ߙߏ߬ߕߐ ߟߎ߫ ߘߏ߲߬ ߝߣߊ߫ ߦߴߊ߬ߟߎ߬ ߘߐ߫، ߊ߬ ߘߏ߲߬ ߞߏ߫ ߊ߬ ߛߌߦߊߡߊ߲ ߦߋ߫ ߜߟߏ߬ߝߌ߲ ߠߎ߬ ߘߌ߫߸ ߦߏ߫ ߊ߲ ߕߘߍ߬ ߞߵߏ߬ ߝߐ߫ ߢߊ߫ ߡߍ߲ ߞߊ߲߬ ߛߌߛߍ߲߬߸ ߞߵߊ߬ ߝߐ߫ ߞߏ߫ ߊ߬ߟߎ߬ ߛߌߦߊߡߊ߲ ߓߐߣߍ߲߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߟߋ߬ ߘߐ߫.
ߦߏ߫ ߓߙߎߞߌߣߊ߫ ߝߊ߬ߛߏ߬ ߖߋ߬ߟߌ߬ߓߊ߬ߘߎ߯ ߖߍ߬ߘߍ ߦߋ߫ ߏ߬ ߘߏ߫ ߟߋ߬ ߘߌ߫ ߥߟߊ߫ ߓߋߣߍ߲߫، ߊ߬ ߛߋ߲߬ߧߊ߬ ߝߟߐ߫ ߘߏ߲߬ ߕߍ߫ ߣߌ߲߫ ߘߌ߫ ߘߋ߬߸ ߊߟߌߖ߭ߋߙߌ߫ ߦߋ߫ ߕߎ߲ߞߊ߲ߠߊߕߊ߮ ߟߊ߫ ߟߎ߬ ߜߍ߲߫ ߞߊ߬ ߓߐ߫ ߊ߬ ߟߊ߫ ߖߡߊ߬ߣߊ ߞߣߐ߫߸ ߞߊ߬ ߥߴߊ߬ߟߎ߫ ߓߌ߬ߟߊ߫ ߖߋ߬ߟߌ߬ߓߊ߬ߘߎ߯ ߘߊ߲߭ ߠߊ߫ ߢߊ߫ ߛߎ߯ߦߊ߫ ߣߌ߲߬ ߞߊ߲߬، ߊߟߊߙߏߡ ߝߏߣ ߛߊߤߙߊ߫ ߟߊ߫ ߖߊ߬ߕߋ ߟߎ߬ ߘߐ߫߸ ߛߊ߲߭ ߕߊ߬ߡߌ߲߬ߣߍ߲ ߞߣߐ߫، ߞߏ߫ ߊ߬ ߞߊ߫ ߛߌߦߊ߫ ߕߊ߯ߡߊߘߋ߲߫ ߃߀ ߀߀߀ ߘߌ߫߸ ߊ߬ߟߎ߫ ߞߊ߬ ߡߍ߲ ߠߎ߬ ߞߎ߲߬ ߠߊߓߍ߲߬ ߊߛߡߊߞߊ߫، ߕߊ߯ߡߊߘߋ߲ ߠߎ߬ ߜߍߣߍ߲߫ ߞߐ ߊߟߌߖ߭ߋߙߌ߫ ߓߟߏ߫ ߞߊ߬ߣߌ߲߬.
ߤߊߟߌ߬ ߓߌ߬ ߊߟߌߖ߭ߋߙߌ߬ ߦߴߊ߬ ߞߊ߲߬ ߞߊ߬ ߕߊ߯ߡߊߘߋ߲ ߠߎ߬ ߜߍ߲߫ ߊ߬ ߟߊ߫ ߖߡߊ߬ߣߊ ߞߊ߲߬
