ߞߊ߯ߙߌ ߡߍ߲ ߓߍ߲߬ ߘߊ߫ ߞߏ߲ߞߏߘߓߌ ߕߟߋ߬ ߆ ߡߊ߬߸ ߏ߬ ߞߍ߫ ߘߊ߫ ߓߊ߯ߙߊ߫ ߟߏ߲ ߠߋ߬ ߘߌ߫ ߡߌߛߌ߬ߙߊ߲߬ ߂߲ ߞߌ߲߬ߘߊ ߘߋ߲ߡߌߛߍ߲߫ ߛߓߍߘߊ ߓߟߏ߫߸ ߞߵߊ߬ߟߎ߬ ߟߊ߫ ߛߌߟߊ ߦߙߐ߫ ߕߌߢߍߣߍ߲ ߠߎ߬ ߘߐߓߍ߲߬ ߞߵߊ߬ߟߎ߬ ߟߝߊ߫ ߝߎ߯ߘߌ߫ ߥߎߟߋ߲ ߠߊ߫، ߞߊ߬ߕߎ߲߯߸ ߊ߬ߟߎ߬ ߦߋ߫ ߛߊ߬ߡߊ ߟߋ߬ ߢߍߓߍ߲߭ ߞߊ߲߬߸ ߏ߬ ߡߍ߲ ߦߋ߫ ߞߍ߫ ߟߊ߫ ߜߟߍ߬ߦߊ ߘߌ߫ ߡߌߛߌ߬ߙߊ߲߬ ߝߌߟߊߣߊ߲ ߞߌ߲߬ߘߊ߬ ߡߐ߮ ߟߎ߬ ߓߟߏ߫߸ ߞߵߏ߬ ߞߎ߲߭ ߞߍ߫ ߛߌߟߊ ߟߎ߬ ߕߌߢߍ ߘߌ߫، ߞߵߊ߬ ߟߊߥߟߌ߬ ߤߊߡߌߣߊ߲ߞߏߓߊ ߏ߬ ߟߊߥߌ߬ߟߌ ߡߊ߬ ߛߊ߫߸ ߞߌ߲߬ߘߊ ߘߋ߲ߡߌߛߍ߲ ߠߎ߬ ߓߘߊ߫ ߝߎ߯ߘߌ߫ ߥߎߟߋ߲ ߞߍ߫ ߞߊ߬ ߦߙߐ߫ ߕߌߢߍߣߍ߲ ߏ߬ ߟߎ߬ ߟߝߊ߫߸ ߞߊ߬ ߓߊ߲߫ ߞߊ߬ ߝߘߊߡߊ߫ ߦߙߐ ߟߎ߬ ߕߋ߬߸ ߛߊ߫ ߞߊ߬ ߛߌߟߊ ߞߊ߲߬ ߓߏߙߌ ߟߊߣߐ߰ߦߊ߬.
ߡߎߛߊ߫ ߞߐ߲ߘߍ߫ ߡߍ߲ ߦߋ߫ ߡߌߛߌ߬ߙߊ߲߬ ߂߲ ߞߌ߲߬ߘߊ߬ ߞߎ߲ߕߌ߮ ߘߌ߫߸ ߏ߬ ߞߊ߬ ߞߏߢߊ ߣߌ߲߬ ߕߊ߲߬ߘߏ߬ ߞߏߛߓߍ߫: <<ߓߐߒߖߘߍߘߐߡߐ߮ ߘߏ߫ ߟߋ߬ ߣߐ߬ ߝߎ߯ߘߌ߫ ߥߎߟߋ߲ ߢߊ߫ ߁߅ ߘߌ߫ ߟߴߊ߲ ߡߊ߬߸ ߞߵߏ߬ ߟߊ߫ ߝߘߊ߫ ߛߋ߲߫ ߝߋ߲ ߞߊ߲߬، ߊ߲ ߧߴߊ߲ ߕߍ߮ ߘߐߛߌ߰ ߟߊ߫ ߢߌ߬ߡߊ߬ߞߍ߬ߟߊ ߓߍ߯ ߦߋ߫ ߏ߬ ߢߊ߫ ߞߋߟߋ߲ ߠߋ߬ ߡߊ߬߸ ߖߐ߲߰ߛߊ߫ ߝߊ߲߬ߞߊ ߟߎ߬ ߘߌ߫ ߝߙߊ߬ ߢߐ߲߮ ߞߊ߲߬، ߊ߲ ߧߋ߫ ߓߊ߲߫ ߠߊ߫ ߞߵߊ߬ ߢߌߣߌ߲߫ ߘߎ߰ߘߋ߲ ߠߎ߬ ߝߍ߬߸ ߒ߬ ߧߋ߫ ߝߘߏ߬ߓߊ߬ ߦߙߐ ߟߎ߬ ߘߐߞߊ߬߸ ߖߐ߲߰ߛߊ߫ ߛߌߟߊ ߘߌ߫ ߟߊߞߊ߬߸ ߞߊ߬ ߓߏ߬ߙߌ ߣߐ߰ߦߊ.>>
ߘߋ߲ߡߌߛߍ߲ ߠߎ߬ ߟߊ߫ ߞߎ߲߬ߠߊ߫߸ ߏ߬ ߟߎ߬ ߓߐ߫ ߘߊ߫ ߟߋ߬ ߝߋߝߋ߫߸ ߞߊ߬ ߣߊ߬ ߛߐ߬ߘߐ߲߬ ߓߊ߯ߙߊ ߘߐ߫߸ ߞߵߏ߬ ߟߊ߫ ߛߍߥߊ ߞߊ߲߬.
ߊߡߙߊ߫ ߞߡߊ߬ߙߊ߬ ߡߍ߲ ߦߋ߫ ߘߋ߲ߡߌߛߍ߲߫ ߛߓߍߘߊ ߞߊ߲ߕߌ߯ ߛߙߍߞߍ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߊ߲ ߠߊߛߌ߰ ߛߊ߲ ߠߋ߬ ߕߋ߬߸ ߓߊ߬ߙߵߊ߲ ߓߘߊ߫ ߛߋ߫ ߓߊ߯ߙߊ߫ ߛߌߦߊߡߊ߲߫ ߞߍ߫ ߟߊ߫ ߡߌߛߌ߬ߙߊ߲߬ ߠߊߥߙߎߞߌ ߘߐ߫، ߊ߲ ߣߌ߫ ߓߐߒߖߘߍߘߐߡߐ߯ ߢߌ߬ߡߊ߬ ߞߍ߬ߟߊ ߟߎ߬ ߟߊ߫ ߘߏ߲߬ߢߐ߲߰ߘߐ ߞߏߛߐ߲߬߸ ߊ߲ ߓߘߊ߫ ߛߋ߫ ߝߎ߯ߘߌ߫ ߥߎߟߋ߲ ߣߌ߲߬ ߛߐ߬ߘߐ߲߬ ߠߊ߫߸ ߞߵߏ߬ ߟߊ߫ ߝߘߊ߫ ߛߋ߲߫ ߕߙߏߞߏ ߞߊ߲߬߸ ߞߊ߬ ߒ߬ ߠߊ߫ ߝߘߊ߫ ߞߏ ߞߍ߫ ߛߊ߲߬ߘߊ ߛߌߟߊ ߘߐ߫ ߦߊ߲߬.>>
ߓߊߛߓߊ߬ߕߌ߫ ߛߘߌ߬ߓߋ߬ ߡߍ߲ ߘߐ߱ߘߏ߲߬ߣߍ߲߫ ߓߌ߬ߟߊ߬ߢߐ߲߰ߡߊ ߟߊ߫߸ ߊ߬ ߣߴߊ߬ߟߋ ߡߍ߲ ߦߴߊ߬ߟߎ߬ ߟߊ߫ ߓߋߟߋ߲ߕߌ߮ ߘߌ߫߸ ߏ߬ ߞߊ߲߫ ߞߏ߫: <<ߣߴߌ ߞߵߊ߲ ߥߟߌ߬ߣߍ߲ ߦߋ߫ ߓߌ߬߸ ߏ߬ ߞߎ߲߭ ߦߋ߫ ߢߍߘߐߓߍ߲ ߣߌ߫ ߓߟߏߘߐߓߍ߲ ߠߋ߬ ߘߌ߫، ߞߊ߬ߕߎ߲߯߸ ߛߊ߬ߡߊ ߓߊ߯ ߛߋ߫ ߦߊ߲߬߸ ߖߌ ߟߋ߬ ߒ߬ߠߎ߬ ߜߍ߲߫ ߠߊ߫، ߕߟߋ߬ߡߊ ߓߊ߯ ߛߋ߫߸ ߊ߲ ߝߣߊ߫ ߘߌ߫ ߖߌ ߡߊߜߍ߲߫، ߏ߬ ߟߋ ߘߐ߫߸ ߝߏ߫ ߊ߲ ߧߋ߫ ߥߌ߬ߟߌ߫ ߟߋ߬ ߞߵߊ߲ ߕߊ߫ ߞߍߕߊ ߟߎ߬ ߞߍ߫ ߡߎߣߎ߲߬߸ ߞߊ߬ ߞߐ߲߰ ߞߎ߲߬ߠߊ߬ߛߌ߮ ߣߊ߭ ߢߍ߫.>>
ߛߋߞߎ߬ ߞߐ߲ߘߍ߫ ߡߍ߲ ߦߋ߫ ߞߌ߲߬ߘߊ ߞߏߟߊߕߍ߯ ߛߓߍߘߊ ߛߌ߲߬ߝߏ߲ ߘߏ߫ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߓߊ߲߬ ߞߍߣߴߊ߲ ߠߊ߫ ߞߌ߲߬ߘߊ ߘߐ߫ ߟߋ߬ ߝߊߦߌߘߊ߫، ߛߌߟߊ߫ ߕߴߦߋ߲߬߸ ߖߌ߫ ߕߴߦߋ߲߬߸ ߢߎߡߍ߫ ߕߴߦߋ߲߬، ߓߊ߬ߙߌ߬߸ ߊ߲ߠߎ߬ ߦߴߊ߲ ߛߋߞߏ ߟߋ߬ ߞߍ߫ ߟߊ߫، ߊ߲ ߠߊ߫ ߞߎ߲߬ߠߊ߬ߛߌ߮ ߟߎ߫ ߞߏ߬ߣߌ߲ ߞߊ߫ ߞߊ߲߲߫ ߞߵߊ߬ߟߎ߫ ߟߐ߬ ߊ߬ߟߎ߫ ߟߐ߬ ߦߌߟߊ.>>
ߞߌ߲߬ߘߊ ߞߣߐ߫ ߡߐ߮ ߟߎ߬ ߝߣߊ߫ ߛߍߥߊߣߍ߲߫ ߠߋ߬ ߣߌ߲߬ ߞߏ ߟߊ߫ ߞߏߛߓߍ߫.
ߖߍ߬ߣߍ ߞߋߕߊ߬ ߦߋ߫ ߡߌߛߌ߬ߙߊ߲߫ ߛߌ߬ߓߊ߮ ߟߋ߬ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߛߊ߬ߡߊ ߓߊ߯ ߘߏ߲߬߸ ߤߊߟߌ߬ ߥߊߟߌߥߊߟߌ߫ ߓߏߙߌߟߊ ߟߎ߬߸ ߏ߬ ߓߍ߯ ߘߴߊ߬ߟߎ߫ ߓߊ߲߬ ߣߊ߬ ߟߊ߫ ߦߊ߲߬ ߛߎ ߘߐ߫، ߝߏ߫ ߊ߬ ߘߌ߫ ߞߍ߫ ߊ߲ ߢߣߊ߫ ߦߏ߫ ߊ߲ ߕߍ߫ ߞߊ߲ߞߊ߲߫ ߘߐ߫، ߛߌߟߊ ߟߎ߬ ߕߌߢߍߣߍ߲߫، ߊ߬ ߥߊ߯ߕߌ ߓߘߊ߫ ߛߋ߫ ߡߎ߬ߕߎ߲߬߸ ߊ߲ ߠߊ߫ ߝߊ߰ߡߊ ߟߎ߬ ߦߴߊ߬ߟߎ߬ ߢߊ ߟߐ߬ ߊ߲ ߘߐ߫߸ ߞߵߊ߬ߟߎ߬ ߞߍߕߊ ߞߍ߫.>>
ߓߊ߯ߙߊ ߣߌ߲߬ ߞߏ߬ߣߌ߲ ߞߍߣߍ߲߫ ߡߌߛߌ߬ߙߊ߲߬ ߂߲ ߘߋ߲ߡߌߛߍ߲ ߠߎ߬ ߓߟߏ߫ ߞߌ߲߬ߘߊ ߟߊߥߙߎߞߌ ߟߋ߬ ߡߊ߬، ߓߊߏ߬߸ ߊ߬ߟߎ߬ ߟߊ߫ ߛߋߒߕߊ߲ߧߊ ߣߴߊ߬ ߕߊ߫߸ ߊ߬ߟߎ߫ ߘߍ߬ߡߍ߲߬ߓߊ߮ ߟߎ߬ ߦߴߊ߬ ߞߊ߲߬߸ ߊ߬ߟߎ ߖߍ߬ߘߍ ߝߣߊ߫ ߦߴߊ߬ߟߎ߬ ߛߋߞߏ ߞߍ ߞߊ߲߬، ߞߊ߬ߕߎ߲߯߸ ߘߏߣߍ߲߫ ߞߍ ߟߋ߬ ߛߌߦߊߡߊ߲ ߠߊߓߐ߫ ߟߊ߫.
ߡߙߌߦߊ߫ ߞߋߟߋ߲߫ ߔߋ߫ ߟߋ߬ ߦߴߴߊ߬ߟߎ߬ ߟߊ߫߸ ߞߏ߫ ߣߌ߫ ߓߍ߯ ߛߋ߫ ߘߊ߫ ߘߏߣߍ߲߫ ߞߍ߫ ߟߊ߫߸ ߦߟߍ߬ߡߊ߲ ߘߌ߫ ߞߍ߫، ߛߌ߰ ߕߍ߫ ߞߍ߫ ߟߊ߫ ߏ߬ ߞߐ߫ ߞߊ߬ ߞߎ߲߬ߠߊ߬ߛߌ߮ ߡߊߞߐ߬ߣߐ߲߬߸ ߊ߬ߟߎ ߟߋ߬ ߝߟߐ߫ ߦߴߊ߬ߟߎ߬ ߕߊ߫ ߞߍߕߊ ߞߍ߫ ߟߊ߫ ߡߎߣߎ߲߬.
ߡߐ߰ߛߓߍ߫ ߞߋߕߊ߬ ߣߌ߫ ߟߊ߲߲ߛߌ߬ߣߍ߫ ߞߡߊ߬ߙߊ߬ ߟߊ߫ ߞߊ߲߬ߞߎߡߊ ߟߋ߬
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
