ߓߊߘߋ߲߫ ߓߘߍ ߟߎ߬ ߸ ߛߊ߰ߓߊ߬ߕߐ ߣߌ߲߬ ߕߎ߲߬ ߦߋ߫ ߞߊ߬ߙߊ߲߬ߘߋ߲߫ ߠߋ߬ ߡߍ߲ ߕߐ߯ ߕߘߍ߬ ߞߏ߫ : ߦߋ߬ߟߌߤ߭ߊߕߎ߬ ߕߎ߬ߙߋ، ߊ߬ ߕߘߍ߬ ߦߋ߫ ߞߊ߬ߙߊ߲߬ ߠߊ߫ ߘߎ߲߬ߘߎ߰ߡߊ߬ ߞߊߙߊ߲ߕߊ߫ ߞߙߎ ߘߏ߫ ߟߋ߬ ߟߊ߫ ߞߐߣߊߞߙߌ߫ ߞߏ߫ "ߤߊߝߑߘߙߊ߫".
ߊ߬ߟߋ ߖߍ߬ߘߍ ߕߊ߫ ߟߊ߬ߛߙߋ߬ߦߊ߬ߟߌ ߟߎ߬ ߘߐ߫߸ ߡߍ߲ ߠߎ߬ ߟߊߘߍ߬ ߘߊ߫ ߞߊ߬ ߞߐ߲߬ ߊ߬ ߟߊ߫ ߝߊߕߏ ߢߍ߫߸ ߞߏ߫: ߡߊ߲߬ߞߊ߲ ߘߏ߫ ߟߋ߬ ߕߎ߲߬ ߦߴߊ߬ ߣߴߊ߬ ߓߊߘߋ߲ߠߞߊ߫ ߡߛߏ߬ߡߊ߲ ߘߏ߫ ߕߍ߫ ߞߏ߫ ߝߊߕߎߡߊߕߊ߬ ߞߋߕߊ߬߸ ߞߊ߬ ߓߍ߲߬ ߛߋ߲߬ ߖߏ߬ߛߌ߬ߟߊ߲߬ߞߏ ߡߊ߬.
ߛߊ߬ߓߊ߰ߕߐ ߞߊ߲߫ ߞߏ߫ :
« ߛߋ߲߬ ߖߏ߬ߛߌ߬ߟߊ߲߬ߞߏ ߏ߬ ߟߋ߬ ߣߐ߬ ߞߏ ߣߌ߲߬ ߓߍ߯ ߟߊߥߟߌ߬ ߟߊ߫. ߓߊߏ߬ ߊ߲ ߓߍ߯ ߟߋ߬ ߕߎ߲߬ ߦߋ߫ ߛߌ߱ ߘߐ߫ ߊ߲ ߡߊ߬ߡߊ߬ߡߛߏ߬ ߓߘߊ ߓߍߟߑߝ߭ߌ߫ ߞߌ߲߬ߘߊ ߟߊ߫.
ߟߏ߲ ߘߏ߫ ߟߋ߬ ߞߍ߫ ߘߊ߫ ߸ ߊ߬ ߞߊ߬ ߒ ߠߊ߫ ߛߋ߲߬ ߖߏ߬ߛߌ߬ߟߊ߲ ߕߊ߬ ߞߊ߬ ߘߎ߱ ߡߊߞߏ߬ ߊ߬ ߟߊ߫ ߸ ߒ ߞߊ߲߫ ߊ߬ ߡߊ߬ ߞߏ߫ ߊ߬ ߞߊߣߊ߬ ߒ ߠߊ߫ ߖߏ߬ߛߌ߬ߟߊ߲ ߠߊߓߊ߯ߙߊ߫ ߘߊߞߎ߲߫ ߛߎ߯ ߏ߬ ߘߐ߫ ߸ ߒ ߞߏ߫ ߣߌ߫ ߖߏ߬ߛߌ߬ߟߊ߲߬ߞߏ ߟߋ߬߸ ߒ ߘߌ߫ ߛߋ߫ ߞߘߐ߬ߡߊ߲ ߘߌ߫ ߟߴߊ߬ ߡߊ߬ ߝߛߊߦߌ߫.
ߞߊ߬ߓߌ߯ ߏ߬ ߟߋ߬ ߞߍ߫ ߘߊ߫߸ ߊ߬ ߡߊ߫ ߞߍ߫ ߒ ߠߊ߫ ߞߏ߫ ߝߍ߬ ߡߎ߬ߕߎ߲߬. ߏ߬ ߟߋ߬ ߓߍ߯ ߞߵߊ߬ ߞߍ߫ ߖߍ߬ߘߍ߸ ߊ߬ ߕߎ߲߬ ߦߋ߫ ߒ ߡߊߖߋ߬ߣߌ߲߬ ߞߏ ߘߐ߫ ߟߏ߲ ߘߏ߫ ߞߊ߬ ߒ ߕߏ߫ ߛߎ߬ߣߐ߮ ߘߐ߫، ߞߊ߬ ߕߊߞߟߊ ߕߍ߰ ߞߵߊ߬ ߓߌ߬ߟߊ߬ ߒ ߠߊ߫ ߓߌߘߌ߲ߒߞߊ߲ ߠߊ߫. ߒ ߡߊ߬ ߟߋ߬ ߞߊ߬ ߕߊߡߍߣߍ߲ ߏ߬ ߟߊߛߊ߬. ߊ߬ ߡߊߢߌ߬ߣߌ߲߬ߞߊ߬ߣߍ߲ ߏ߬ ߞߍ߫ ߞߎ߲ ߡߵߊ߬ ߓߟߏ߫، ߊ߬ ߞߊ߲߫ ߞߏ߫ ߒߠߋ ߝߟߐ߫ ߟߋ߬ ߞߊ߬ ߔߊ߬ߟߊ߲ ߝߊ߫ ߖߌ ߓߐ߲߬ ߊ߬ ߞߎ߲߭ ߘߐ߫. ߓߊ߬ߙߌ߬ ߊ߬ ߥߎߦߊ߫ ߹ ߊ߬ ߣߊ߫ ߕߍ߬ߘߍ߫ ߦߋ߲߬߸ ߏ߬ ߘߌ߫ ߛߋ߫ ߞߵߏ߬ ߟߊߛߙߋߦߊ߫.
ߏ߬ ߟߋ߬ ߞߍߣߍ߲߫ ߒ ߡߊ߬ ߞߍߢߊ ߘߌ߫ ߞߵߊ߬ ߜߍ߲߫߸ ߞߵߊ߬ ߟߥߊ߫ ߞߏߖ߭ߊ߬. ߛߎ߲ߞߊߙߏ߫ ߛߊߟߌ ߛߎ߬ߘߎ߲߬ߧߊ߬ߣߍ߲߸ ߒ ߞߊ߬ ߒ ߠߊ߫ ߕߏ߲ߕߊߟߊ߲ ߕߊ߬ ߞߊ߬ ߕߊ߯ ߊ߬ ߘߌ߫ ߊ߬ ߞߙߊ߫ ߦߌߟߊ ߞߏߖ߭ߊ߬ ߞߌ߲߬ߘߊ ߟߊ߫.
ߒ ߥߟߋ߫ ߘߊ߫ ߞߐ߬ߓߊ߬ߟߏ߲ ߞߏ߫ ߒ ߧߋ߫ ߥߊ߫ ߒ ߠߊ߫ ߝߊ߰ߣߌ߲ ߠߎ߫ ߕߊ߬، ߞߐ߬ߣߌ߲߬ ߏ߬ ߟߏ߲ ߒ ߥߊߕߐ߫ ߕߍ߬ߘߍ߫ ߞߊ߬ߙߊ߲߬ߕߊ ߟߊ߫߸ ߕߙߊ ߝߣߊ߫ ߝߊ߲߬ߞߊ ߕߎ߲߬ ߞߊ߫ ߓߏ߲߬ ߞߏߛߓߍ߫. ߒ ߞߵߊ߬ ߝߐ߫ ߏ߬ ߟߋ߬ ߘߐ߫ ߞߏ߫ ߞߊ߬ ߒ ߡߊߞߐ߬ߣߐ߲߬ ߞߊ߯ߙߌߟߏ߲ ߠߊ߫.
ߏ߬ ߟߏ߲ ߛߋߣߍ߲، ߒ ߕߊ߯ ߘߊ߫ ߒ ߠߊ߫ ߝߊ߰ߣߌ߲ ߠߎ߫ ߕߊ߬ ߝߊ߰ߣߌ߬ ߞߙߊ߬ߟߊ߬ߡߛߏ ߝߍ߬߸ ߞߐ߬ߣߌ߲߬ ߊ߬ ߞߵߊ߬ ߝߐ߫ ߒ ߡߊ߬ ߞߏ߫ ߒ ߧߋ߫ ߒ ߠߊ߫ ߝߊ߰ߣߌ߲ ߠߎ߬ ߕߊ߬ ߞߊ߬ ߒ ߛߌ߲߫ ߟߎߡߟߊ ߟߊ߫.
ߒ ߛߋ ߦߋ߲߬ ߒ ߞߊ߬ ߒ ߠߊ߫ ߕߏ߲ߕߊߟߊ߲ ߡߊߝߍߣߍ߲߫ ߒ ߞߊ߲ߠߊ߫، ߊ߬ ߗߋ߲߰ ߕߘߍ߬.
ߏ߬ ߡߊ߫ ߡߍ߲߫߸ ߒ ߠߊ߫ ߞߙߊߟߌߟߊ߫ ߡߛߏ ߞߵߊ߬ ߢߌߣߌ߲߫ ߒ ߝߍ߬ ߞߏ߫ ߒ ߧߋ߫ ߥߴߊ߬ ߞߎ߲߭ ߘߊ߲߫.
ߕߏ߫ ߞߍ߫ ߘߴߏ߬ ߘߐ߫ ߒ ߞߊ߬ ߝߊߕߎߡߊߕߊ߬ ߦߋ߫ ߕߊ߬ߡߌ߲ ߠߊ߫߸ ߡߎ߬ߙߊ߲߬ߣߍ߲ ߘߏ߫ ߦߴߊ߬ ߓߟߏ߫߸ ߊ߬ ߦߴߊ߬ ߡߊߘߏ߲߭ ߞߊ߲߬ ߡߏ߬ߛߏ߫ ߜߞߋ߬ ߖߌ߬ ߥߙߌ߬ߟߊ ߘߏ߫ ߟߊ߫. ߛߊߣߌߛߊߕߍ߫߸ ߊ߬ ߕߊ߯ ߘߊ߫ ߡߎ߬ߙߊ߲߬ ߞߣߐ߫ ߘߐߝߎߟߋ߲ ߘߏ߫ ߕߊ߬، ߊ߬ ߦߴߏ߬ ߘߐ߫߸ ߡߐ߰ ߛߌ߫ ߡߴߊ߬ ߡߙߌߦߊ߫ ߟߐ߲߫. ߒߠߋ ߕߏ߫ ߘߊ߫ ߞߙߊߟߌߟߊ߫ ߡߛߏ ߞߎ߲߬ߘߊ߲ ߞߊ߲߬ ߢߊ ߏ߬ ߟߋ߬ ߡߊ߬ ߝߎߚߎ߫، ߝߴߏ߬ ߣߊ߬ ߘߊ߫ ߝߐ߫ ߒ ߡߊ߬߸ ߞߏ߫ ߒ ߧߋ߫ ߘߌ߬ߢߍ߫ ߞߊ߬ ߕߎ߬ߡߊ߬ߣߍ߲߬ ߘߴߊ߬ ߡߊ߬ ߞߏ߫ ߝߊ߰ߣߌ߲߬ ߞߙߊߕߊ ߞߊ߫ ߛߌߦߴߊ߬ ߓߟߏ߫ (ߊ߬ ߦߋ߫ ߘߏ߫ ߞߍ߫ ߏ߬ ߟߎ߬ ߘߐ߫).
ߏ߬ ߞߍ ߸ ߊ߲ ߓߐ߫ ߘߊ߫ ߞߊ߬ ߕߊ߯ ߛߏ ߞߣߐ߫ ߸ ߒ ߧߋ߫ ߒ ߠߊ߫ ߜߋߟߋ߲ߜߋߟߋ߲ ߘߐߘߌ߮ ߞߊ߲߬ ߕߎ߬ߡߊ ߡߍ߲ ߒ ߝߙߍߘߐ߫߸ ߒ ߞߟߊ߬ߡߍ߬ ߓߐ߫ ߘߊ߫ ߒ ߞߐߝߍ߬ ߞߊ߬ ߖߌ߫ ߞߟߊߡߊ߲ ߥߎ߬ߦߊ߫ ߒ ߞߊ߲߬. ߒ ߞߊ߬ ߒ ߠߊ߫ ߜߋߟߋ߲ߜߋߟߋ߲ ߠߊߝߌ߬ߟߌ߫ ߞߎߟߋ ߘߌ߫ ߜߋ߲ߜߋߟߋ߲߫. ߖߋ߬ߣߌ߲߬ߠߌ߲ ߏ߬ ߞߊ߬ ߒ ߜߏ߬ߟߏ߫ ߡߊ߬ߣߊ߲߬ߞߌ߫ ߒ ߞߊ߲߬ ߥߎߛߊߦߌ߫.
ߒ ߕߊ߬ߢߊ ߟߋ߬ ߞߍߣߍ߲߫ ߏ߬ ߘߌ߫ ߞߊߕߍ߬ߘߍ߫ ߓߎ߬ߙߋ ߘߏ߫ ߡߊ߬ —(ߘߊ߲ߘߊߛߏߣߍ߲ ߘߏ߫ ߞߊ߬ߣߌ߲߬)— ، ߓߊ߬ߙߌ߬ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߒ ߟߌ߬ߤߟߊ ߞߊ߫ ߖߎ߯ ߞߊ߬ ߕߊ߬ߡߌ߲߬، ߞߏ߫ ߝߏ߫ ߞߊ߬ ߘߐ߲ߞߊ߬ ߟߋ߬. ߓߊ߬ߙߌ߬ ߒ ߠߊ߫ ߞߐߙߍ ߣߊ߬ ߘߴߊ߬ ߝߐ߫ ߞߴߏ߬ ߝߙߍ߬ ߕߴߊ߬ߟߎ߬ ߦߋ߫߸ ߞߏ߫ ߘߐ߲ߞߊ߬ ߖߐ߰ߣߍ߬ߞߏ ߝߊ߲߬ߞߊ ߞߊ߫ ߓߏ߲߬. ߏ߬ ߞߍ߸ ߝߘߊ߬ߜߍ߬ ߡߛߏ ߘߏ߫ ߕߍ߬ߘߍ߫ ߦߋ߲߬߸ ߏ߬ ߞߌ߬ߣߌ߲߬ߞߌ߬ߣߌ߲߬ ߘߊ߫ ߒ ߡߊ߬ ߞߊ߬ ߒ ߡߊߡߟߋߞߋ߫ ߡߙߎߝߋ (ߓߊ߲ߘ) ߟߊ߫. » ߦߋ߬ߟߌߞߊ߬ߕߎ߫ ߟߋ߬ ߞߊ߬ ߣߌ߲߬ ߝߐ߫ ߊ߬ ߟߊ߫ ߟߊ߬ߛߙߋ߬ߦߊ߬ߟߌ߬ ߡߊߡߌ߬ߛߌ߬ߣߍ߲ ߘߏ߫ ߘߐ߫ ߞߊ߬ ߞߐ߲߬ ߊ߬ ߛߏߡߊߦߟߍߡߊ߲ ߢߍ߫.
ߒ߬ߓߊ߬ ߓߊߘߋ߲߫ ߓߘߍ ߟߎ߬ ߸ ߘߋ߲ߡߛߏ ߣߌ߲߬ ߡߊߖߋ߬ߣߌ߲߬ߣߍ߲߫ ߠߋ߬ ߞߏߖߎ߯ߦߊ߫ ߝߋߝߋ߫، ߓߟߏߞߏ ߟߊߘߛߍ ߟߋ߬ ߡߊ߬ ߛߊ߫߸ ߛߌ߲߫ ߡߊ߫ ߛߋ߫ ߞߍ߫ ߟߴߊ߬ ߘߌ߫ ߘߐ߲ߞߊ߬ ߘߊ߲ߘߊߛߏߓߊ ߟߊ߫ ߒߕߟߋߡߊ߬߸ ߝߏ߫ ߊ߬ ߟߊߕߊ߬ߡߌ߲߬ ߘߊ߫ ߟߋ߬ ߘߊ߲ߘߊߛߏߣߍ߲ ߘߏ߫ ߟߊ߫ ߝߐߟߐ߲߫ ߞߊ߬ ߣߊ߬ ߕߏ߫ ߊ߬ ߝߐ߫ ߟߊ߫ ߦߋ߲߬ ߡߐ߮ ߟߎ߬ ߓߟߏ߫ ߡߎ߬ߕߎ߲߬ ߓߘߊߡߐ߮ ߟߎ߬ ߦߋ߫ ߞߏ߫ ߞߊ߬ ߕߊ߯ ߊ߬ ߘߌ߫ ߘߐ߲ߞߊ߬. ߓߊ߬ߙߌ߬ ߥߊߦߌߞߊ߫߸ ߦߋߟߌߞߊ߬ߕߎ߬ ߡߊ߫ ߛߋ߫ ߊ߬ ߟߊ߫ ߡߊ߬ߘߌ߬ߡߌ߲߬ߠߌ߲߬ ߘߊ ߞߘߐ߫، ߊ߬ ߘߏ߫ ߘߴߊ߬ ߛߊ߭ ߟߋ߬ ߕߙߊߓߊ ߂߈ ߢߌ߲߬ ߡߊ߬߸ ߞߵߏ߬ ߞߎ߲߭ ߘߊ߲ߘߊߟߌ߫ ߝߙߍߞߏ ߘߐߛߋߓߊߟߌߦߊ ߘߐ߫.
ߊ߬ ߛߎ߭ ߟߊߕߊ߬ߡߌ߲߬ ߘߊ߫ ߓߏߞߋ߬ ߟߋ߬߸ ߞߵߊ߬ ߘߏ߲߬.
ߊ߬ߟߎ߬ ߟߊ߫ ߞߊ߬ߙߊ߲߬ߕߊ ߝߘߏ߬ߓߊ߬ ߗߋߕߌ߮߸ ߊߓߎߓߞߊߙ ߛߏ߬ߙߌ߬ߓߊ ߛߎߡߊ߬ ߞߎߡߊ߫ ߘߊ߫ ߞߊ߬ߙߊ߲߬ߕߊ ߓߍ߯ ߕߐ߯ߘߐ߫: ߞߵߊ߬ߟߎ߬ ߟߊ߫ ߛߎ߬ߣߎ߲ ߞߐ߲߬ߜߍ ߦߌ߬ߘߊ߬، ߊ߬ ߣߌ߫ ߘߋ߲ߡߛߏ ߟߊ߫ ߞߊ߬ߙߊ߲߬ߘߋ߲߬ ߓߘߍ߬ߦߊ، ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߞߏ߫ ߞߊ߬ ߞߏߟߊߕߐ߲ ߞߍ߫ ߡߐ߰ߝߊ߰ߟߊ ߟߊ߫.
ߞߎ߲߬ߠߊ߬ߝߏ߬ߣߌ߲߬ ߝߟߐ ߟߎ߬ ߕߊ߫ ߝߐߟߌ߫ ߘߐ߫߸ ߞߏ߫ ߝߊߕߎߡߊߕߊ߬ ߞߋߕߊ߬ ߡߍ߲ ߞߍ߫ ߘߊ߫ ߝߊ߰ߟߌ ߛߊߓߎ ߘߌ߫߸ ߏ߬ ߣߴߊ߬ ߡߊ߲ߛߊ ߟߎ߬ ߓߘߊ߫ ߛߋ߫ ߢߟߊߥߛߎ ߟߊ߫.
ߢߊ߬ߢߌ߬ߣߌ߲߬ߠߌ߲ ߠߎ߬ ߦߴߊ߬ ߞߊ߲߬، ߞߊ߬ߙߊ߲߬ߕߊ ߘߏ߲߬ߞߏ ߟߎ߬ ߣߌ߫ ߞߏߕߐ ߛߌ߰ߢߐ߲߰ߡߊ ߟߎ߬ ߓߍ߯ ߛߌ߰ߣߍ߲߫ ߞߊ߬ ߞߏߟߊߕߐ߲ ߕߋߟߋ߲ߓߊ߯ߦߊ ߡߊߞߐ߬ߣߐ߲߬.
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߞߍߦߙߐ
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫߸ ߞߊ߬ ߓߐ߫ ߞߊ߲ߞߊ߲߫.
