ߞߎߣߎ߲ߟߏ߲ ߂߀߂߅ ߞߏ߲ߞߏߘߓߌ ߕߋ߬ߟߋ ߂߃ ߛߐ߰ߡߊ߬ߘߊ ߁ߙߋ߲ ߝߊ߲߭ ߝߍ߬߸ ߕߊߓߐ ߘߏ߫ ߟߋ߬ ߞߍ߫ ߘߊ߫ ߝߍߙߍ߲ߛߘߊ߫ ߘߏ߫ ߟߊ߫ ߸ ߡߍ߲ ߦߋ߫ ߞߏ߲ߞߏߟߊ߫ ߞߌ߲߬ߘߊ ߟߊ߫߸ ߟߊߓߋ߬ ߞߊ߬ߝߏ߬ߙߋ߲ ߞߣߐ߫. ߡߊ߲߬ߕߙߐ߬ߓߊ߰ߕߐ ߟߎ߬ ߓߣߐ߬ ߘߊ߫ ߖ.ߕ ߞߋ߲߬ߥߟߎ߫ ߁߂߀ ߣߌ߫ ߞߐ߫ ߟߋ߬ ߟߊ߫.
ߡߊߡߊߘߎ ߓߊߦߑߟߐ߬ ߞߋߕߊ߬ ߦߴߊ߬ ߢߊߝߐ߫ ߟߊ߫ ߸ ߏ߬ ߡߍ߲ ߧߋ߫ ߡߊ߲߬ߕߙߐ߬ߓߊ߰ߕߐ ߟߎ߬ ߘߏ߫ ߘߌ߫߸ ߊ߬ ߞߏ߫: « ߝߋ߲ ߓߍ߯ ߟߋ ߖߋ߬ߣߌ߲߬ ߘߊ߫ ߞߊ߬ ߞߍ߫ ߓߎ߰ߘߌ ߘߌ߫߸ ߝߏߦߌ߬ ߡߊ߫ ߛߐ߬ߘߐ߲߬. ߒ ߕߴߛߋ߫ ߕߌߢߍߟߌ߫ ߞߛߊ߬ߓߌ߬ ߖߐ߲ߖߐ߲߫ ߝߐ߫ ߟߴߊߟߎ߫ ߦߋ߫߸ ߓߊߏ߬ ߖߐ߯ߙߊ߲߫ ߛߌߦߊߡߊ߲߫ ߠߋ߬ ߕߍ߬ߘߍ߫ ߒ߬ ߓߟߏ߫ ߦߊ߲߬. ߛߊߟߊ߲߫ ߕߙߏߞߏ߫ ߛߐ߲߬ߞߐ ߘߌ߫ ߕߊ߯ ߤߊ߲߯ ߞߋ߲߬ߥߟߎ߬ ߃߅, ߕߙߏ߬ߞߏ߫ ߡߍ߲ ߕߐ߮ ߞߏ߫ ߕߌߚߌ ߸ ߏ߬ ߛߐ߲߬ߞߐ ߘߌ߫ ߥߊ߫ ߝߏ߫ ߞߋ߲߬ߥߟߎ߬ ߃߀, ߕߙߏ߬ߞߏ߬ ߕߌ߲ߕߊ߲ߡߊ ߛߐ߲߬ߞߐ ߦߋ߫ ߞߋ߲߬ߥߟߎ߫ ߂߅ ߟߋ߬ ߘߌ߫, ߝߙߏߞߙߏߓߐߟߊ߲ ߥߟߊ߫ ߛߐߙߐ߲ߥߏߓߐߟߊ߲ ߛߐ߲߬ߞߐ ߘߌ߫ ߥߊ߫ ߝߏ߫ ߞߋ߲߬ߥߟߎ߬ ߁߅ ߘߐ߫, ߊ߬ ߣߌ߫ ߕߙߏ߬ߞߏ߫ ߝߏ߬ߦߌ߬ߟߌ߬ߟߊ ߥߟߊ߫ ߡߊ߬ߓߏ߲߬ߠߊ߸ ߏ߬ ߝߣߊ߫ ߛߐ߲߬ߞߐ ߦߋ߫ ߞߋ߲߬ߥߟߎ߬ ߁߇ ߟߋ߬ ߘߌ߫. ߕߙߏ߬ߞߏ߫ ߏ߬ ߝߋ߲ ߺ ߋ ߺ ߝߋ߲߫ ߝߐ߫ ߞߊ߲߫ ߏ߬ ߘߌ߫ ߸ ߏ߬ ߟߎ߬ ߓߍ߯ ߟߋ ߖߋ߬ߣߌ߲߬ ߘߊ߫ ߕߊ߫ ߓߟߏ߫ ߟߋ߬ ߞߎߙߍ߫. ߕߙߏ߬ߞߏ ߏ߬ ߟߎ߬ ߞߐߝߍ߬ ߸ ߝߍߙߍ߲߫ ߛߌߦߊߡߊ߲߫ ߠߋ ߡߙߊ߬ߣߍ߲߫ ߕߘߍ߬ ߒ߬ ߓߟߏ߫ ߦߊ߲߬. ߢߎߡߍߓߘߊ ߘߏ߫ ߟߎ߫ ߝߣߊ߫ ߕߘߍ߬ ߦߋ߲߬ ߸ ߡߍ߲ ߠߎ߫ ߕߘߍ߬ ߞߊߝ߭ߌߦߊ ߁߈, ߞߊߝ߭ߌߦߊ ߅, ߞߊߝ߭ߌߦߊ ߂߀, ߏ߬ ߟߎ߫ ߛߐ߲߬ߞߐ ߟߎ߬ ߦߋ߫ ߦߟߍ߬ߡߊ߲߬ߦߟߍߡߊ߲߫ ߠߊ߫. ߣߌ߫ ߒ ߘߏ߲߬ ߞߊ߬ ߢߎߡߍߓߘߊ ߞߊߝ߭ߌߦߊ ߁߂ ߕߊ߬, ߏ߬ ߞߋߟߋ߲ߔߋ߫ ߛߐ߲߬ߞߐ ߦߋ߫ ߞߋ߲߬ߥߟߎ߬ ߅ ߟߋ߬ ߘߌ߫.»
«ߊ߬ ߟߊ߫ ߦߌ߬ߘߊ߬ߟߌ߬ ߘߐ߫, ߞߏ߫ ߕߊߓߐ߫ ߣߌ߲߬ ߖߎ߭ ߓߐߣߍ߲߫ ߢߎߡߍ ߟߊ߫ ߢߡߊߞߊߘߌ ߟߋ߬ ߘߐ߫. ߊ߬ߟߎ߬ ߟߊ߫ ߢߊ߬ߝߐ߬ߟߌ߬ ߘߐ߫ ߒ ߧߋ߫ ߸ ߞߏ߫ ߢߎߡߍ߫ ߕߎ߲߬ ߓߘߊ߫ ߕߊ߯ ߕߎ߬ߡߊ߬ߣߍ߲߫ ߠߊ߫ ߸ ߊ߬ ߞߐߛߊ߬ߦߌ߲߬ߕߐ߫ ߟߋ߬ ߛߊ߫߸ ߢߎߡߍߖߟߎ ߡߍ߲ ߦߴߊ߲ ߠߊ߫ ߕߏ߲߬ߜߏ ߣߌ߫ ߟߐ߲ ߕߍ߫߸ ߕߊ ߥߟߌ߬ ߘߴߏ߬ ߟߋ ߟߊ߫» ߡߊߡߊߘߎ߫ ߓߊߦߑߟߐ߬ ߞߋߕߊ߬ ߛߎ߬ߣߎ߲߬ߣߍ߲ ߠߋ߬ ߞߊ߬ ߣߌ߲߬ ߝߐ߫، ߊ߬ ߦߌ߬ߘߊ߬ ߘߊ߫ ߢߊߝߐߟߌ ߟߎ߬ ߘߐ߫ ߝߣߊ߫߸ ߞߏ߫ ߖߌ߫ ߡߊߘߏߣߌ߲߫ ߝߊ߯ߞߊ߲ߓߋ߲߫ ߖߐ߲ߖߐ߲߫ ߛߌ߫ ߕߍ߫ ߟߊߓߋ߬ ߓߟߏ߫߸ ߕߊߓߐ߫ ߛߎ߮ ߢߌ߲߬ ߠ߬ߎ ߣߴߊ߬ ߢߐ߲߰ߘߐ ߟߎ߬ ߞߊ߲ߡߊ߬.
ߖߐ߲߬ߡߊߞߏߟߐ߲߫ ߛߊ߲ߞߊߙߋ߫ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
