ߥߐ߬ߦߐ ߘߏ߫ ߟߋ߬ ߥߟߌ߬ߣߍ߲߬ ߝߘߎߢߐ߲߯ߡߊ ߘߏ߫ ߟߎ߫ ߕߍ߫ ߞߎ߲߬ߢߐ߰ ߟߊ߬ߓߊ߲ ߣߌ߲߬ ߠߊ߫ ߕߋ߲߬ ߘߎߥߊߟߊ߫ ߣߐ߬ߘߎ߮ ߘߐ߫، ߞߵߏ߬ ߞߎ߲߭ ߞߍ߫ ߝߘߎߢߐ߲߮ ߞߋߟߋ߲ ߠߊ߫ ߞߐ߬ߦߌ߬ߣߊ߲ ߕߎߣߎ߲ ߘߌ߫. ߏ߬ ߞߏ ߟߊߓߊ߲ߣߍ߲߫ ߕߍߛߘߌ ߟߎ߬ ߟߊ߫ ߟߊ߬ߝߘߊ߬ߟߌ ߟߋ߬ ߡߊ߬߸ ߊ߬ ߣߌ߫ ߢߊ߬ߢߌ߬ߣߌ߲߬ߠߌ߲ ߘߏ߫ ߘߊߦߟߍ߬ߟߌ ߞߟߍ߬ߡߐ߰ߘߊ ߓߟߏ߫.
ߡߏ߬ߛߏ߫ ߛߊ߲߬ ߃߄ ߡߍ߲ ߕߐ߯ ߞߏ߫ ߡߋ߬ߟߌߛߊ߬ ߸ ߏ߬ ߟߋ߬ ߣߵߊ߬ߟߎ߬ ߟߊ߫ ߝߘߎ߫ ߞߐߦߌߣߊ߲ ߕߎߣߎ߲ߞߏ ߟߊߞߙߐ߬ߛߌ߬ ߟߴߊ߬ ߗߍ߬ ߕߍ߮ ߟߊ߫߸ ߡߍ߲ ߕߐ߯ ߞߏ߫ ߋߝ߭ߊߙߌߛߕ ߸ ߣߴߊ߬ ߛߌ߬ߞߛߊߓߌ ߦߋ߫ ߛߊ߲߬ ߄߀ ߘߐ߫. ߡߏ߬ߛߏ ߣߐ߬ ߏ߬ ߞߏߢߊ ߢߌ߬ߣߌ߲߬ߞߊ߬ߟߌ ߞߍ߫ ߟߊ ߊ߬ ߗߍ߬ ߟߊ߫߸ ߗߍ߭ ߞߊ߬ ߞߎߡߊ ߟߊߝߌ߬ߟߌ߫ ߊ߬ ߡߊ߬ ߞߏ߫ ߊ߯ ߊ߬ ߘߌ߫ ߞߍ߫ « ߝߊ߲߭ ߘߏ߫ ߘߐ߫ ߜߊߙߊ߲ߜߊߙߊ߲߫ ߝߏߙߏ߲ ߞߣߐ߫ ». ߒ߬ߓߊ߬ ߏ߬ ߟߋ߬ ߞߏߢߊ ߣߊ߬ ߘߊ߫ ߞߍ߫ ߝߐߢߐ߲߯ߞߐ߫ ߞߣߐߓߊ ߘߴߊ߬ߟߎ߬ ߣߌ߫ ߢߐ߲߯ ߕߍ߫ ߕߐ߭ ߟߊ߫ ߡߎ߬ߕߎ߲߬ ߛߊ߫، ߊ߬ ߟߐ߲ ߞߐ ߘߐ߫ ߡߏ߬ߛߏ ߓߟߏ߫ ߗߋߛߓߍ߫ ߟߊߣߊ߬ߣߍ߲ ߘߏ߫ ߘߐ߫ ߋߝ߭ߊߙߌߛߕ ߟߊ߫ ߜߋߟߋ߲ߜߋߟߋ߲ ߞߣߐ߫ : ߡߊ߬ߓߊ߰ߓߊ߰ߟߌ߬ ߞߊ߲ ߘߏ߫ ߛߓߍߣߍ߲߫ ߡߍ߲ ߘߐ߫ ߞߊ߬ ߝߘߊ߫ ߡߛߏ߬ ߜߘߍ߫ ߟߊ߫߸ ߞߐ߬ߦߌ߬ߣߊ߲߬ ߕߎߣߎ߲ߣߍ߲ ߡߙߊ߬ߣߍ߲߬ ߘߌ߫ ߞߍ߫ ߡߏ߬ߛߏ ߏ߬ ߡߍ߲ ߓߟߏ߫ ߞߊ߬ߣߌ߲߬.
ߞߊ߯ߙߌ ߡߍ߲ ߕߎ߲߰ ߘߴߏ߬ ߟߊ߫߸ ߡߋ߬ߟߌߛߊ߬ ߡߐߣߍߣߍ߲ ߛߋ߬ߦߌ߲߬ ߘߴߊ߬ ߗߍ߬ ߡߊߢߌ߬ߣߌ߲߬ߞߊ ߡߵߊ߬ ߘߊ߬ߟߌ߬ߟߎ ߟߎ߬ ߟߊ߫ ߕߎ߲߯. ߞߎߡߊ ߛߊ߬ߡߊ߲߬ߢߐ߲߰ߕߍ: ߞߊ߲߫ ߞߏߙߏ߲߫ ߝߐ ߏ߬ ߟߋ߬ ߣߊ߬ ߘߊ߫ ߥߟߏ߫ ߢߐ߲߯ ߡߊߘߌߡߌ߲ ߠߊ߫. ߟߊ߬ߛߙߋ߬ߦߊ߬ߟߌ ߟߎ߫ ߞߵߊ߬ ߦߌ߬ߘߊ߬ ߞߏ߫ ߋߝ߭ߊߙߌߛߕ ߘߌߡߌ߲ߣߍ߲ ߣߴߊ߬ ߛߊ߬ߙߌ߬ߣߍ߲ ߞߊ߬ ߓߟߏ߫ ߞߘߎ߫ ߛߌߦߊߡߊ߲߫ ߠߋ߬ ߓߐ߫ ߊ߬ ߡߏ߬ߛߏ ߘߐ߫.
ߞߏ߫ ߞߎߟߋߞߊ߲ ߏ߬ ߟߎ߫ ߟߋ߬ ߞߊ߬ ߛߌ߰ߢߐ߲߰ߡߊ ߟߎ߬ ߟߊߓߐ߫، ߏ߬ ߟߎ߬ ߝߣߊ߫ ߞߊ߬ ߞߟߍ߬ߡߐ߰ߘߊ ߟߊߟߐ߲ߠߌ߲ߦߊ߫، ߏ߬ ߟߎ߬ ߣߌ߫ ߞߟߊߡߊ߲ ߣߊ߬ ߘߊ߫ ߞߣߍ ߞߊ߲߬.
ߓߊ߬ߙߌ߬ ߞߟߍ߬ߡߐ߰ߟߊ߫ ߟߊ߫ ߣߊ߬ߟߌ ߞߵߊ߬ ߛߐ߬ߘߐ߲߬ ߊ߬ ߞߏ ߓߘߊ߫ ߡߊߛߍ߬ߟߍ߲߬ߓߍ߫، ߓߊ߬ߙߌ߬ ߡߋ߬ߟߌߛߊ߬ ߟߊߕߊ߬ߡߌ߲߬ ߘߊ߫ ߟߋ߬ ߘߊ߲ߘߊߟߌ߫ ߦߙߐ ߘߏ߫ ߘߐ߫ ߡߎߣߎ߲߬ ߞߊ߬ ߕߊ߯ ߓߊߛߌ ߟߎ߬ ߞߍ߫ ߊ߬ ߟߊ߫. ߏ߬ ߟߋ߬ ߞߐߝߍ߬ ߛߊ߫߸ ߊ߬ ߝߣߊ߫ ߟߊߡߍ߲߫ ߘߊ߫ ߢߊߢߌߣߌ߲ߠߌ߲ߠߊ ߟߎ߬ ߓߟߏ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߓߌ߬ ߕߘߍ߬ ߡߴߊ߬ ߡߎ߬ߢߎ߲߬ߣߍ߲߫ ߓߌ߬ߟߊ߬ ߞߏ ߢߌ߲߬ ߞߊ߲߬، ߝߏ߫ ߗߋߛߓߍ߫ ߞߏߟߡߊ ߟߎ߬ ߟߊ߫ ߣߊ߬ߟߌ ߛߊ߫߸ ߏ߬ ߟߋ߬ ߞߵߊ߬ ߞߏ ߢߊߘߐߜߍ ߕߡߊ߬ߦߌ ߓߐ߫ ߊ߬ ߟߊ߫ ߝߋߎ߫.
ߊ߬ ߞߏߢߊ ߦߋ߫ ߞߟߍ߬ߡߐ߰ߘߊ ߕߊ߫ ߓߟߏߡߊ߬ ߟߋ߬ ߡߊ߬ ߕߋ߲߬߸ ߢߊ߬ߢߌ߬ߣߌ߲߬ߠߌ߲ ߘߊߞߘߐ߫߸ ߞߊ߬ ߓߍ߲߬ ߝߘߎߢߐ߲߯ߦߊ ߓߏ߲߬ߛߊ߲߬ߣߍ߲߬ ߣߍ߲߬ߖߊ߲߬ߦߊ ߞߏߟߊߕߐ߲ ߡߊ߬. ߢߊ߬ߢߌ߬ߣߌ߲߬ߠߌ߲ ߏ߬ ߡߍ߲ ߦߋ߫ ߝߘߎ߫ ߛߌߦߊߡߊ߲߫ ߝߐߢߐ߲߯ߞߐ ߟߎ߬ ߟߊߒߞߣߍߡߊ߫ ߟߊ߫ ߤߊߟߌ߬ ߡߍ߲ ߓߍ߯ ߕߍ߫ ߜߍ߫ ߘߐ߫߸ ߢߌ߬ߣߌ߲߬ߞߊ߬ߟߌ߬ ߢߊ߲߯ߕߊߣߍ߲߫ ߘߌ߫ ߛߋ߫ ߞߍ߫ ߟߊ߫ ߡߍ߲ ߘߌߡߌ߲ߦߊ߫ ߞߘߐ߫ ߘߏ߲߰ߣߍ߲ ߓߍ߯ ߟߊߥߌ߬ߟߌ ߛߊߓߎ ߘߌ߫ ߟߏ߲߫ ߞߋߟߋ߲߫.
