ߜߋ߲ߞߐ߬ߖߌ߬ߘߊ ߞߊ߲ߕߌ߯ ߊߟߊߛߊ߲ߣ ߥߊߕߊߙߊ߫ ߓߘߴߊ߬ ߞߐߛߊ߬ߦߌ߬ ߊߓߌߖ߭ߊ߲߬ ߞߊߙߌ ߣߌ߲߬ ߡߊ߬ ߂߀߂߅ ߘߓߊ߬ߕߊ ߕߟߋ߬ ߄߸ߊ߬ ߞߊ߬ ߕߟߋ߬ ߕߊ߲߫ ߢߐ߲߰ ߠߋ߬ ߞߍ߫ ߝߊ߬ߙߊ߲߬ߛߌ߫ ߖߡߊ߬ߣߊ ߞߣߐ߫ .
ߊ߬ ߟߊ߫ ߛߋ߬ߟߌ ߣߌ߲߬ ߦߋ߫ ߣߊ߬ ߟߊ߫ ߓߘߍ߬ߓߘߍ߬ߟߌ߬ ߞߏ ߟߋ߬ ߘߌ߫ ߞߙߍߞߙߍߓߟߏߡߊ߬ .
ߏ߬ ߡߊߦߋߙߋ߲ߣߍ߲߫ ߜߍ߬ߙߍ߲߬ߘߍ߬ߟߌ ߓߎ߯ߟߌ ߟߋ߬ ߟߊ߫ ߞߊ߲ߕߌ߯ߘߊ ߢߣߊߕߊߟߌ ߡߊ߬.
ߊ߬ ߟߊ߫ ߞߐߓߊ߯ߦߊ ߕߎ߬ߡߊ ߣߌ߲߬ ߘߐ߫ ߸ ߓߘߍ߬ߓߘߍ߬ߟߌ ߗߏ߯ߦߊ ߓߘߊ߫ ߖߎ߯ߦߊ߫ ߸ ߞߵߊ߬ ߞߎ߲߭ ߞߍ߫ ߞߟߍ߬ߢߐ߲߰ߦߊ ߡߐ߰ ߛߘߍߡߊ߲߫ ߡߊߕߊ߮ ߘߌ߫ ߢߣߊߕߊߟߌ ߛߙߍߘߍ ߟߊ߫ ߸ ߞߊߕߙߍ߬ߕߍ߫ ߕߌߖߊ߲ߣ ߕߌߦߊߡ ߡߊ߬ ߸ ߏ߬ ߡߍ߲ ߘߌ߫ ߛߋ߫ ߞߍ߫ ߟߊ߫ ߖߡߊ߬ߣߊ ߞߎ߲߬ߕߌ߮ ߞߟߍ߬ߢߐ߲߮ ߘߌ߫.
ߞߕߌߘߊ ߟߊ߫ ߡߙߌߘߐ ߣߌ߲߬ ߞߊ߬ ߖߋ߬ߓߌ߬ߟߌ߫ ߓߟߋ߬ߓߟߋ ߟߎ߬ ߟߊߥߟߌ߬ ߓߘߍ߬ߓߘߍ߬ߟߌ ߝߣߍ߬ߝߣߍ ߞߣߐ߫.
ߊ߬ ߦߋ߫ ߞߟߌߟߌ ߟߐ߬ ߟߊ߫ ߞߎߡߊߢߐ߲߯ߦߊ ߡߊ߬߸ߟߏߙߊ߲߫ ߜߊ߬ߜߏ߫ ߸ ߏ߬ ߡߍ߲ ߦߋ߫ ( PPA-CI) ߞߊ߲ߕߌ߮ ߘߌ߫ ߞߊ߬ߣߌ߲߬߸ ߊ߬ ߞߊ߬ ߘߍ߬ߡߍ߲߬ߠߌ߲ ߢߌߣߌ߲߫ ߘߍ߬ߡߍ߲߬ߓߊ߮ ߟߎ߬ ߝߍ߬ ߞߊ߬ ߕߏ߫ ߟߊ߬ߘߍ߬ߟߌ ߘߐ߫، ߞߵߊ߬ ߕߘߍ߬ ߊ߬ ߦߋ߫ ߘߊ ߟߊߞߊ߬ߣߍ߲ ߕߏ߫ ߟߊ߫ ߓߊ߬ߘߏ߬ߢߐ߲߰ߦߊ ߞߊ߲߫ ߡߊ߬.
ߊ߬ ߦߋ߫ ߟߊ߲߬ߝߌߦߊ߫ ߣߌ߫ ߖߐ ߢߌߣߌ߲߫ ߠߊ߫ ߜߋ߲ߞߐ߬ߖߌ߬ߘߊ ߓߍ߯ߦߊ ߞߙߎߞߊ (PDCI-RDA),ߟߎ߬ ߣߌ߫ ߘߍ߬ߞߙߎ߬ ߜߘߍ߫ ߟߎ߫ ߝߣߊ߫ ߝߍ߬ ،ߏ߬ ߟߎ߬ ߡߍ߲ ߠߎ߬ ߦߋ߫ ߜߋ߲ߞߐ߬ߖߌ߬ߘߊ ߞߣߐ߫.
ߡߍ߲ ߥߊߕߐ߫ ߓߍ߲߬ ߠߊ߫ ߢߌߣߌ߲ߠߌ߲ ߣߌ߲߬ ߕߊ߫ ߝߊ߲߭ ߡߊ߬ ߛߊ߫ ߸ߖߡߊ߬ߣߊ ߞߊ߲ߕߌ߮ ߥߊߕߙߊ߫ ߦߋ߫ ߞߏ ߟߎ߬ ߘߐߛߎߡߊ߫ ߞߏ߲ߢߌ߲ ߠߋ߬ ߝߍ߬ ߛߌߛߍ߲߬.
ߞߵߊ߬ ߛߙߐ߬ (RHDP( ߢߍߡߐ߮ ߘߏ߫ ߟߎ߫ ߤߊߞߟߌ ߟߊ߫ ߞߏ߫߸ ߢߣߊߕߊߟߌ ߓߊ߯ߙߊ ߞߊ߫ ߞߊ߲߫ ߞߊ߬ ߘߊߓߊ߲߫ ߤߊߟߌ߬ ߣߌ߫ ߕߍ߰ߟߌ߫ ߕߍ߫،ߘߏ߫ ߜߘߍ߫ ߟߎ߫ ߦߋ߫ ߖߘߍ߬ߡߊ߬ߡߙߊ߬ߟߌ ߣߌ߫ ߞߎ߲߬ߞߏ߬ߕߌ߰ߦߊ ߢߌߣߌ߲߫ ߠߊ߫ ߗߏ߯ߦߊ ߘߏ߫ ߘߐ߫ ߸ ߜߟߍ߬ߦߊ ߟߎ߬ ߦߋ߫ ߥߙߎߞߌ߫ ߟߊ߫ ߡߍ߲ ߘߐ߫ ߖߏߣߊ߫.
ߝߊ߬ߛߏ ߡߙߌߣߊ߲ ߦߋ߫ ߖߡߊ߬ߣߊ ߞߎ߲߬ߕߌ߮ ߟߊ߫ ߖߋ߬ߓߌ߬ߟߌ ߡߊߞߐ߬ߣߐ߲߬ ߠߊ߫ ߟߋ߬ ߸ ߡߍ߲ ߞߐߛߊ߬ߦߌ߲ ߘߌ߫ ߛߋ߫ ߞߍ߫ ߟߊ߫ ߦߟߍ߬ߡߊ߲߬ߠߌ߲߬ ߕߏ߲ߘߋ߫ ߘߌ߫ ߢߣߊߕߊߟߌ ߢߍ߫ ߜߟߍ߬ߦߊ ߣߌ߲߬ ߞߎ߲߬ߠߊߛߌ߰ߟߌ ߘߐ߫.
silabosoona.com
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
