ߓߌ߬ ߓߌߟߏ߲ ߣߌ߲߬ ߡߊ߬ ߂߀߂߅ ߞߏ߲ߞߏߘߓߌ ߕߟߋ߬ ߁߀߸ ߖߊ߬ߡߊ߫ ߘߍ߬ߜߍ ߟߋ߬ ߣߊ߬ ߘߊ߫ ߞߊ߬ ߓߐ߫ ߡߏ߬ߙߌ߬ߓߊ߬ߦߊ߫߸ ߦߋ߲߬ ߦߋ߫ ߡߙߊ߬ߘߊ߬ߘߎ߯ߟߊ ߟߋ߬ ߘߌ߫ ߞߎߘߍ߫ ߇߅ ߢߐ߲߰ ߠߊ߫߸ ߞߊ߲ߞߊ߲߫ ߡߙߊ߬ߓߊ߰ߘߊ ߞߣߐ߫، ߕߐ߲߫ ߓߟߏߡߊ ߟߎ߬ ߥߊ߫ ߘߴߊ߬ߟߎ߬ ߕߍ߯ ߞߍ߫ ߡߐ߰ ߣߊ߯ߣߌ߲߫ ߠߋ߬ ߘߐ߫ ߛߎ ߀߃ߙߋ߲ ߡߊ߬߸ ߝߌ߬ߟߊ߫ ߡߌ߬ߣߊ߬ ߘߊ߫ ߡߙߊ߬ߘߎ߰߸ ߞߖߊ߬ ߝߌ߬ߟߊ߬ ߝߣߊ߫ ߡߌ߬ߘߊ߬ ߡߙߊߓߏߙߌߦߊ߫.
ߓߊߘߋ߲ ߠߎ߬߸ ߡߐ߰ ߣߊ߯ߣߌ߲ ߢߌ߲߬ ߠߎ߫ ߡߌ߬ߘߊ ߣߴߊ߬ߟߎ߫ ߡߌ߬ߘߊ߬ ߢߊ ߞߍ߫ ߘߊ߫ ߕߙߎ߬ ߘߌ߫߸ ߓߊߛߊ߲ߘߐ߫ ߘߎ߰ ߃߃ ߣߴߊ߬ ߕߏߙߊ߫ ߓߏߟߏ߲߫ ߉ ߡߐ߰ ߛߌߦߊߡߊ߲߫ ߞߵߊ߬ߟߎ߬ ߟߊߘߍ߬ ߛߏߝߍߞߎߟߎ߲߫ ߝߌ߬ߟߊ߬ ߞߣߐ߫߸ ߊ߬ ߣߌ߫ ߔߏߔߏ߫ ߛߌߦߊߡߊ߲߫߸ ߞߊ߬ ߞߎߘߍ߫ ߗߡߍ߬ ߣߌ߫ ߞߐ ߓߏ߬ߙߌ߫ ߞߊ߬ ߞߊ߲ߞߊ߲߫ ߡߊߜߍ߲߫، ߊ߬ߟߎ߫ ߣߊ߬ ߘߊ߫ ߖߌ߰ߦߊ߬ ߞߊ߲ߞߊ߲߫ ߡߙߊ߬ߓߊ߰ߘߊ ߟߋ߬ ߞߣߐ߫߸ ߦߋ߲߬ ߡߍ߲ ߦߋ߫ ߡߙߊ߬ߓߊ߮ ߡߊߞߍ߫ ߦߌߟߊ ߘߌ߫، ߊ߬ߟߎ߫ ߣߊ߬ ߘߴߊ߬ߟߎ߬ ߡߊߝߐߦߌ߲ߝߐߦߌ߲߫߸ ߞߵߊ߬ߟߎ߬ ߟߊ߫ ߣߌߛߐߜߏߦߊ ߦߌ߬ߘߊ߬، ߊ߬ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߡߊ߲߬ߞߊ߲ ߣߌ߲߬ ߦߋ߫ ߡߊ߲߬ߞߊ߲߬ ߞߘߐ ߟߋ߬ ߘߌ߫߸ ߡߍ߲ ߡߊ߫ ߘߊߡߌ߬ߣߊ߫ ߓߌ߬، ߓߊ߬ߙߌ߬߸ ߊ߬ߟߎ߬ ߣߴߊ߬ߟߎ߬ ߕߙߐߦߊ߫ ߞߘߐ߬ߡߊ߲ ߏ߬߸ ߞߎߘߊ ߡߍ߲ ߓߌ߬ߟߊ߬ߣߴߊ߬ ߘߐ߫ ߣߌ߲߬߸ ߏ߬ ߝߣߊ߫ ߦߊ߫ ߖߎ߯ ߞߏߛߓߍ߫، ߞߊ߬ߕߎ߲߯߸ ߕߍ߮ ߥߊߣߍ߲߫ ߞߍ߫ ߟߴߊ߬ߟߎ߬ ߓߊߘߋ߲߫ ߡߐ߰ ߣߊ߯ߣߌ߲߫ ߠߋ߬ ߘߐ߫ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߓߌߦߊ߲߫ ߓߌߟߊߟߊ߫ ߕߡߍ߬ߞߘߎߎ߬ߡߊ߬ߕߌ߮ ߟߎ߬ ߣߌ߫ ߊ߬ߟߎ ߛߣߍ߬ߞߍ߬ߟߊ ߟߎ߬ ߟߊ߫ ߝߐߢߐ߲߯ߞߐ ߘߏ߫ ߞߏߛߐ߲߬.
ߘߎ߰ ߡߐ߮ ߢߌ߲߬ ߠߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߣߛߌ߬ ߞߏ ߣߌ߲߬ ߓߘߊ߫ ߞߍ߫ ߊ߬ߟߎ߫ ߞߊ߲߬ ߛߍ߰ߓߊ߫ ߟߋ߬ ߘߌ߫ ߦߋ߲߬ ߕߋ߲߬߸ ߡߍ߲ ߓߘߊ߫ ߞߍ߫ ߕߙߎ߬ ߘߌ߫ ߕߙߐߦߊ߫ ߛߌߦߊߡߊ߲߫ ߠߊߛߴߊ߬ߟߎ߫ ߡߊ߬، ߞߏ߫ ߝߊ߰ߡߊ ߟߎ߬ ߦߴߊ߬ߟߎ߫ ߘߍ߬ߡߍ߲߫ ߏ߬ ߞߏ ߘߐ߫߸ ߛߴߊ߬ߟߎ߬ ߟߊ߫ ߛߍ߬ߣߍ ߘߌ߫ ߛߓߊ߬ߕߌ߫ ߊ߬ߟߎ߬ ߓߟߏ߫، ߓߊߏ߬߸ ߊ߬ߟߎ߫ ߛߌ߰ߞߎ߲ߧߊ ߟߵߏ߬ ߘߌ߫.
ߟߊ߱ߖߌ߬ ߡߏ߬ߤߊ߬ߡߍߘ ߘߎ߰ߣߐ߮ ߡߍ߲ ߞߊ߲߬ߕߐ߮ ߦߋ߫ ߞߊ߬ߙߊ߲߬ߡߐ߯ ߘߎ߰ߣߐ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߊ߬ ߛߊ߲߬ ߦߙߌߞߌߊ ߟߋ߬ ߕߋ߲߬߸ ߊ߲ ߧߋ߫ ߕߙߐߦߊ ߣߌ߲߬ ߘߐ߫ ߦߊ߲߬، ߓߌ߬ ߕߊ ߣߌ߲߬ ߝߣߊ߫ ߖߎ߯ߡߊ߲߫ ߊ߬ ߕߐ߭ ߓߍ߯ ߘߌ߫، ߒ߬ ߠߊ߫ ߞߎ߲߬ߠߊ߬ߛߌ߮ ߟߎ߬߸ ߊ߲ ߧߴߊ߬ ߖߊ߬ߕߋ߬ ߟߊ߫ ߞߏ߫ ߊ߬ߟߎ ߡߍ߲ ߠߎ߬ ߞߊ߫ ߞߊ߲߫ ߞߵߊ߬ߟߎ߫ ߖߊ߲߬ߕߏ߬ ߊ߲ ߘߐ߫߸ ߏ߬ ߟߎ߫ ߟߋ߬ ߣߊ߬ ߘߴߊ߲ ߓߊߘߋ߲ ߠߎ߬ ߡߌ߬ߘߊ߬ ߛߎ߫ ߕߍߡߊ߬، ߊ߲ ߧߴߊ߬ ߝߍ߬ ߊ߬ߟߎ߬ ߦߴߏ߬ ߟߎ߫ ߟߋ߬ ߓߌ߬ߟߊ߬ ߌߞߘߐߣߌ߲߬.>>
ߡߏ߬ߙߌ߬ߓߦߊ߬ ߣߴߊ߬ ߟߊߡߌߣߌ߲ ߡߐ߰ ߛߌߦߊߡߊ߲߫ ߠߋ߬ ߕߘߍ߬ ߞߣߍ ߞߊ߲߬ ߓߌ߬، ߊ߬ߟߎ߫ ߞߵߊ߬ߟߎ߬ ߓߟߏ ߟߋ߯ߟߋ߯ ߞߏ߫ ߊ߬ߟߎ߬ ߟߊ߫ ߡߙߊ߬ߓߊ߰ߘߎ߯ߟߊ ߡߊ߬ߞߏ߬ ߛߌ߫ ߕߴߊ߬ߟߎ߬ ߟߊ߫، ߞߏ߫ ߛߏ ߟߊ߫ ߞߏ ߕߴߊ߬ ߢߍߛߌߟߊ߫ ߘߐ߫߸ ߣߛߌ߬ ߞߏ ߟߋ߬ ߞߵߊ߬ ߤߣߍ߫ ߡߐ߰ ߞߏ ߘߌ߫߸ ߊ߬ ߡߊ߬ߞߏ߬ ߕߍ߫ ߛߣߍ߬ߞߍ߬ߟߊ ߟߎ߬ ߤߊߡߌߣߊ߲ߞߏ߫ ߛߌ߫ ߟߊ߫.
ߡߙߊ߬ߓߊ߰ߘߎ߯ߟߊ߸ ߡߏߙߌ߫ ߕߎ߬ߙߋ߬ ߣߌ߫ ߞߊ߬ߝߏ߬ߙߋ߲߬ߕߌ߮ ߎߛߑߡߊߣߌ߲߬ ߞߐ߲ߘߍ߫ ߣߌ߫ ߣߊ߬ߓߊ߰ߕߐ ߟߎ߬ ߟߊ߫ ߞߐߦߌߘߊ ߘߏ߫ ߟߎ߫ ߞߊ߬ ߛߌߟߊ ߡߌ߬ߘߊ߬ ߞߊ߬ ߕߊ߯߸ ߞߏ߫ ߊ߬ߟߎ߬ ߕߊ߯ߕߐ߫ ߊ߬ߟߎ߬ ߟߊ߫ ߡߐ߰ ߣߊ߯ߣߌ߲߫ ߡߌ߬ߘߊ߬ߣߍ߲ ߠߎ߬ ߓߌ߬ߟߊ߬ ߞߏ ߢߊߢߌߣߌ߲߫ ߠߊ߫، ߊ߬ߟߎ߬ ߞߐߛߊ߬ߦߌ߲ ߞߊ߬ ߓߐ߫߸ ߓߊߏ߬ ߊ߬ ߞߍߣߍ߲߫ ߦߏ߫ ߡߌ߬ߘߊ߬ߓߊ߰ߕߐ ߟߎ߬ ߡߊ߫ ߓߌ߬ߟߊ߬ ߖߐ߫، ߊ߬ߟߎ߫ ߣߊ߭ ߏ߬ ߘߐ߫ ߞߊ߬ ߘߏ߲߬ ߡߙߊ߬ߓߊ߰ߘߊ ߓߏ߲ߓߊ ߞߣߐ߫ ߞߊ߬ ߓߊ߲߫ ߞߊ߬ ߓߐ߫߸ ߞߊ߬ߝߏ߬ߙߋ߲߬ߕߌ߮ ߞߵߊ߬ ߛߋ߲߭ ߛߐ߬ߘߐ߲߫ ߞߊ߬ ߥߊ߫، ߡߙߊ߬ߓߊ߰ߘߎ߯ߟߊ ߛߊ߫߸ ߏ߬ ߟߋ ߡߊ߫ ߛߋ߫ ߕߟߊ߫ ߟߊ߫ ߖߊ߬ߡߊ ߟߊ߫߸ ߛߌߟߊ ߕߍ߰ ߘߴߊ߬ߟߋ ߦߋ߫߸ ߞߏ߫ ߊ߬ ߕߴߛߋ߫ ߕߊ߯ ߟߊ߫ ߕߋ߲߬߸ ߣߴߊ߬ ߡߊ߫ ߞߊ߲߫ ߖߐ߲ߖߐ߲߫ ߝߐ߫ ߖߊ߬ߡߊ ߘߴߊ߬ ߓߟߏ߫ ߞߍ߫ ߡߍ߲ ߠߊ߫، ߏ߬ ߘߏ߲߬ ߡߊ߫ ߛߋ߫ ߛߐ߬ߘߐ߲߬ ߠߴߊ߬ ߟߊ߫، ߏ߬ ߟߋ ߘߐ߫߸ ߖߊ߬ߡߊ ߞߵߊ߬ ߟߊ߫ ߔߏߔߏ ߢߌ߲ ߡߌ߬ߘߊ߬߸ ߞߵߊ߬ ߞߢߊ߬ ߥߊ߫ ߟߊ߫ ߞߟߍߞߕߍ߫.
ߡߐ߰ ߞߋߟߋ߲߫ ߣߊ߬ ߘߊ߫ ߖߊ߬ߡߊ ߓߍ߯ ߞߟߌ߫ ߞߵߊ߬ ߡߙߌߦߊ ߦߌ߬ߘߴߊ߬ߟߎ߬ ߟߊ߫߸ ߞߏ߫ ߊ߬ߟߎ߬ ߟߊ߫ ߡߐ߰ ߣߊ߯ߣߌ߲߫ ߡߌ߬ߘߊ߬ߣߍ߲ ߏ߬ ߟߎ߬ ߕߍߣߊ߬ ߛߋ߫ ߟߊ߫ ߓߌ߬ߟߊ߬ ߟߊ߫، ߞߏ߫ ߊ߬ߟߎ߫ ߞߏ߬ߣߌ߲ ߦߋ߫ ߘߊߘߐߖߊߥߏ ߞߊ߲߬ ߊ߬ ߞߏ ߘߐ߫߸ ߊ߬ߟߎ߬ ߣߌ߫ ߝߊ߰ߡߊ ߟߎ߬، ߖߊ߬ߡߊ ߣߌߛߐߜߏߦߊߣߍ߲ ߞߵߊ߬ ߦߌ߬ߘߊ߬ ߞߏߏ߫ ߊ߬ߟߎ߬ ߘߌߦߊߣߊ߲ߞߏ߫ ߕߴߏ߬ߘߌ߫ ߡߎ߰ߡߍ߫.
ߝߐ߰ߓߍ߬ߦߊ߬ߟߊ ߡߍ߲ ߠ߬ߎ ߕߍ߬ߘߍ߫ ߦߋ߲߬߸ ߏ߬ ߟߎ߫ ߞߊ߬ ߡߊ߬ߓߎ߬ߙߎ߲߬ߕߌ߬ߟߌ ߘߏ߫ ߟߎ߫ ߛߐ߬ߘߐ߲߬߸ ߞߵߏ߬ ߟߊ߫ ߡߙߊ߬ߓߊ߰ߘߎ߯ߟߊ ߟߊ߫ ߓߐ߬ߘߍ߬ߓߐ ߞߊ߲߬، ߓߊߏ߬߸ ߝߊ߬ߛߏ ߕߌ߯ߝ߭ߌ ߖߌ߬ߦߕߊ߬ߟߊ ߘߏ߫ ߟߊ߫ ߖߌ߬ߦߕߊ߬ߟߊ߲ ߡߌ߬ߘߊ߬ ߘߴߊ߬ ߓߟߏ߫߸ ߊ߲ ߡߴߊ߬ ߟߐ߲߫ ߊ߬ ߕߍ߬ߘߍ߫ ߊ߬ ߝߍ߬ ߞߊ߬ ߡߍ߲ ߞߍ߫ ߏ߬ ߟߊ߫، ߓߊߏ߬߸ ߊ߬ ߖߊߡߊ߲߫ ߘߊ߫ ߞߏ߫ ߡߐ߰ ߛߌ߫ ߞߊߣߵߊ߬ ߖߌ߬ߦߊ߬ߖߟߎ߬ߦߊ߬، ߞߵߊ߬ ߛߐ߬ߘߐ߲߬߸ ߖߊ߬ߡߊ ߡߊ߬ߞߏ ߦߴߊ߬ ߟߊ߫߸ ߛߴߊ߬ ߘߌ߫ ߞߊ߲߫ ߖߐ߲ߖߐ߲߫ ߝߐ߫، ߓߊ߬ߙߌ߬߸ ߝߐ߰ߓߍ߬ߦߊ߬ߟߊ ߟߎ߫ ߞߏ߬ߣߌ߲ ߛߋ߫ ߘߴߊ߬ߟߎ߫ ߖߘߍ߬ ߟߊ߫߸ ߞߵߊ߬ߟߎ߬ ߟߊ߫ ߓߊ߯ߙߊ ߞߍ߫ ߊ߬ ߢߊ ߡߊ߬.
ߡߙߊ߬ߓߊ߮ ߞߵߊ߬ ߖߘߍ߬ ߞߊߘߊ߲߫ ߠߋ߬ ߞߊ߬ ߕߊ߯ ߘߏ߲߬ ߡߙߊ߬ߓߊ߰ߘߊ ߓߏ߲ߓߊ ߞߣߐ߫߸ ߦߊ߬ߣߌ߫ ߞߟߍ߬ߡߐ߮ ߟߎ߬ ߟߊ߫ ߜߋ߬ߕߋߜߋ߭ ߘߏ߫ ߞߎ߲߬ߓߐ ߦߋߕߐ߫، ߏ߬ ߟߎ߫ ߞߏ߬ߣߌ߲ ߡߊ߫ ߖߎ߯ߡߊ߫ ߣߌ߫ ߞߎߡߊ߫ ߛߌߦߊߡߊ߲߫ ߜߘߍ߫ ߞߍ߫ ߊ߬ߟߎ߫ ߣߊ߭ ߞߐߝߍ߬.
ߊ߲ ߞߏ߬ߣߌ߲ ߡߊ߫ ߞߏߢߊ ߣߌ߲߬ ߞߎ߲߭ߘߏ߲߬ ߢߊ߫ ߟߐ߲߫ ߡߎߣߎ߲߬، ߓߊߏ߬߸ ߝߐ߰ߓߍ߬ߦߊ߬ߟߊ ߟߎ߬ ߡߊߕߊ߯ ߘߊ߫ ߟߋ߬ ߊ߬ ߞߏ ߟߊ߫ ߟߊ߬ߓߊ߲ ߣߌ߲߬ ߝߍ߬، ߡߐ߰ ߡߊ߫ ߡߍ߲ ߞߎ߲߬ ߟߐ߲߫ ߊ߬ߟߎ߬ ߓߟߏ߫.
ߊ߲ ߞߏ߬ߣߌ߲ ߕߍߣߵߊ߲ ߛߌ߰ ߟߊ߫ ߣߌ߲߬ ߞߏ ߘߊ ߝߍ߬، ߡߍ߲ ߓߊ߯ ߓߐ߫ ߊ߬ ߘߐ߫߸ ߊ߲ ߘߴߊߟߎ߫ ߟߊߟߐ߲ߠߌ߲߫ ߏ߬ ߟߊ߫ ߒ߬ ߛߋߞߏ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫
