ߛߌߟߊ ߞߊ߲߫ ߓߌߟߊ߲ߒߘߐߖߎ߯ ߡߊߞߌ߬ߣߌ߲߬ߞߌ߬ߣߌ߲߬ߣߍ߲ ߘߏ߫ ߟߋ߬ ߞߍߣߍ߲߫ ߓߌ߬ ߞߍ߲ߘߍߟߏ߲ ߂߀߂߅ ߞߏ߲ߞߏߘߌ߬ߓߌ ߕߟߋ߬ ߁߉ ߣߌ߲߬ ߡߊ߬ ، ߛߌ߯ߙߌ߫ ߡߙߊ߬ߓߊ߰ߘߊ ߞߣߐ߫ ߸ ߞߊ߬ ߡߐ߰ ߝߌ߬ߟߊ߫ ߛߊ߰ ߸ ߊ߬ ߣߌ߫ ߞߊ߬ ߡߐ߰ ߛߘߍߡߊ߲߫ ߝߣߊ߫ ߖߐߞߌ߫.
ߡߊ߬ߛߎ߬ߓߊ߬ߞߏ ߣߌ߲߬ ߞߍߣߍ߲߫ ߓߊߝߎ߫ ߜߎߛߎ߲ߞߎ ( ߞߐ߯ߕߌ) ߟߋ߬ ߞߊ߲߬ ،ߞߵߊ߬ ߛߐ߬ߘߐ߲߬ ߖߡߊ߬ ߞߙߎ ߕߎ߲߬ ߦߋ߫ ߛߌߟߊ ߞߊ߲߬ ߞߊ߬ ߕߊ߯ ߞߐ߲ߢߐ߲ߡߊߟߐ ߘߏ߫ ߟߊ߫ ߛߌ߯ߙߌ߫ ߛߏ ߖߍ߬ߘߍ ߞߣߐ߫ .
ߊ߲ ߞߊ߬ ߟߌ߬ߤߟߊ ߞߎ߲߬ߝߟߐ ߡߍ߲ ߠߎ߬ ߡߊߛߐ߬ߘߐ߲߬ ߞߊ߬ ߝߣߊ߫ ߞߐߙߍ ߟߊ߫߸ߏ߬ ߡߍ߲ ߦߋ߫ ߓߎߓߋߙߋ߫ ߕߙߊߥߟߋ߫ ߞߐߙߍ ߛߌ߲߬ߝߏ߲ ߘߏ߫ ߘߌ߫ ߞߊ߬ߣߌ߲߬ ߸ ߏ߬ ߦߋ߫ ߡߊߟߋߦߊ߫ ߡߙߊ߬ߘߊ߬ߙߋ߲ ߠߋ߬ ߞߣߐ߫.
ߞߏ߫ : ߞߐ߲߬ߛߏ ߣߌ߲߬ ߕߘߍ߬ ߦߋ߫ ߡߐ߰ ߡߊߞߟߌߣߍ߲ ߠߎ߬ ߟߋ߬ ߡߊߘߐ߬ߣߌ߲ ߞߊ߲߬߸ ߏ߬ ߡߍ߲ ߞߏߢߊ ߖߐ߲ߖߐ߲߫ ߟߐ߲ߣߍ߲߫ ߕߍ߫ ߝߟߐ߫
ߞߎ߲߬ߠߊ߬ߝߎ߬ߟߋ߲߬ ߝߟߐ ߦߋ߫ ߡߐ߰ ߝߌ߬ߟߊ߫ (߂) ߟߋ߬ ߛߊ߬ߞߏ ߟߊߛߋ߫ ߟߊ߫ ، ߊ߬ߟߎ߬ ߓߍ߯ ߡߛߏ߬ ߝߘߎߣߍ߲߸ ߊ߬ߟߎ߬ ߕߐ߯ ߟߋ߬ ߞߏ߫ :ߖߊ߲߬ߕߎ߫ ߞߡߊ߬ߙߊ ߊ߬ ߣߌ߫ ߊߛߋߕߎ߬ ߕߙߊߥߟߋ߫.
ߡߐ߰ ߛߘߍߡߊ߲߫ ߠߋ߬ ߖߐߞߌߣߍ߲ ߸ ߡߐ߰ ߖߐߞߌߣߍ߲ ߠߎ߬ ߓߘߊ߫ ߛߋ߫ ߘߊ߲ߘߊߟߌ߫ ߘߊߞߘߐ߫ ߕߋ߲߬.
ߡߊ߬ߛߎ߬ߓߊ߬ ߞߎߘߊ ߣߌ߲߬ ߦߋ߫ ߛߌߟߊ߲ߞߏ ߟߎ߬ ߟߊߥߟߌ߬ ߟߊ߫ ߟߋ߬ ߞߏ߫ ߞߎߘߊ ߞߵߊ߬ ߓߍ߲߬ ߖߌ߬ߣߍ߬ ߛߌߟߊ ߟߎ߬ ߟߊ߫ ߟߊ߬ߞߊ߲߬ߘߊ߬ߟߌ߬ߞߏ ߡߊ߬ߘߎ߮ ߡߊ߬.
ߊ߬ ߕߌ߯ߕߌ߮ ߛߌߟߊ ߟߎ߫ ߞߊ߲߬ ߡߍ߲ ߠߎ߬ ߦߋ߫ ߓߎ߰ߘߊ ߟߎ߬ ߣߌ߫ ߘߎ߰ߓߊ ߟߎ߬ ߓߌ߬ߟߊ߬ ߟߊ߫ ߢߐ߲߮ ߡߊ߬ ߸ ߛߌߟߊ ߟߎ߬ ߗߏ߯ߦߊ ߝߍ߬ ߸ ߥߟߊ߫ ߞߐ߲߬ߛߏ߬ ߖߛߐߣߍ߲ ߠߎ߬ ߸ ߥߟߊ߫ ߜߍ߬ߘߍ߲߬ ߞߏ߬ߖߎ߰ߦߊ ߊ߬ߟߎ߬ ߥߊ߫ ߦߙߐ ߟߎ߬ ߟߊ߫ ߛߐ߲߬ .
ߓߊߘߋ߲߫ ߠߎ߬ ߸ߝߛߍ߬ߝߛߍ߬ߟߌ ߘߐ߫ ߞߊ߫ ߞߊ߲߫ ߞߊ߬ ߘߊߡߌ߬ߣߍ߬ ߥߟߊߛߊ߫ ߞߊ߬ ߞߊ߬ߛߙߊ ߣߌ߲߬ ߞߎ߲߬ ߖߐ߲ߖߐ߲߫ ߟߐ߲߫
silabosoona.com
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
