ߓߌ߬ ߞߎߣߎ߲ߟߏ߲ ߣߌ߲߬ ߡߊ߬ ߂߀߂߅ ߞߏ߲ߞߏߘߓߌ ߕߋ߬ߟߋ߫ ߂߃ ߡߊ߬߸ ߡߊ߬ߛߎ߬ߓߊ߬ ߞߏ ߟߋ߬ ߞߍߣߍ߲߫ ߞߌ߲߬ߕߌ߬ߢߊ߲߫ ߘߊ߬ߡߊ߲߬ߝߍ ߘߐ߫߸ ߞߊ߬ ߞߊ߬ߛߙߊ ߟߊߛߋ߫ ߡߐ߰ ߛߌߦߊߡߊ߲߫ ߡߊ߬، ߞߏ߲߬ߓߏ ߊߓߘߎߟߊߦߌ߫ ߓߊߛߌ߯ߙߎ߬ ߞߐ߲ߘߍ߫ ߡߍ߲ ߘߊ߲ߘߊߟߌߟߊ߫ ߘߊ߯ߕߌ߯ ߘߌ߫ ߞߟߍ߬ߡߐ߬ߘߊ߫ ߡߊ߬ߡߙߊ߬ߟߌ߬ ߛߊ߲ߘߐ ߟߊ߫ ߣߊ߲߬ߕߌ߰ ߞߕߌߘߊ ߗߋߕߌ߯ߘߊ ߟߊ߫߸ ߊ߬ ߣߌ߫ ߛߌ߯ߙߌ߲߫ ߘߊ߲ߘߊߛߏ ߘߐ߬ߓߛߏ߬ߟߌ߬ ߞߊߟߌ߲ ߘߍ߬ߡߍ߲߬ߠߌ߲߬ߠߊ ߘߏ߫߸ ߊ߬ߟߋ ߟߊߟߐ߲ߠߌ߲߫ ߘߊ߫ ߞߏ߲߬ߓߏ ߡߏ߬ߙߌ߬ߝߌ߬ߟߊ߬ߣߌ߲߫ ߠߋ߬ ߓߟߏ߫߸ ߞߵߊ߬ ߦߌ߬ߘߴߊ߬ ߟߊ߫ ߞߏ߫ ߘߊ߬ߡߊ߲߬ߓߋ߬ߓߊ߫ ߓߘߊ߫ ߞߍ߫ ߞߌ߲߬ߕߌ߬ߢߊ߫߸ ߞߏ߫ ߞߊ߬ ߣߊ߬ ߘߍ߬ߡߍ߲߫ ߊ߬ߟߎ߫ ߞߊ߲߬ ߞߵߏ߬ ߞߎ߲߭ ߞߍ߫ ߦߋ߲߬ ߖߛߐ ߘߌ߫ ߡߐ߱ ߟߎ߬ ߟߊ߫ (ߖߐߞߌߓߊ߯ߕߐ ߟߎ߫ ߞߊ߬ߣߌ߲߬).
ߏ߬ ߟߋ ߞߍ߫ ߘߊ߫ ߛߋ߲߬ߘߐ߬ߞߎߟߎ߲߫ ߝߌ߬ߟߊ߬ ߟߊߥߟߌ߬ ߢߊ ߘߌ߫ ߞߊ߬ ߕߊ߯ ߞߏߕߐ ߟߎ߫ ߕߊ߬ ߞߊ߬ ߣߵߊ߬ߟߎ߬ ߘߌ߫ ߛߌ߯ߙߌ߲߫ ߛߏ ߞߣߐ߫ ߊ߬ߟߎ߬ ߝߌߘߊߞߍ߫ ߞߊ߲ߡߊ߬.
ߞߏ߲߬ߓߏ ߞߊ߲߫ ߞߏ߫ ߛߙߋ ߟߎ߬ ߟߊ߫ ߝߐߟߌ߫ ߘߐ߫߸ ߡߊ߬ߛߎߓߊ ߝߟߐ ߞߍ߫ ߘߊ߫ ߘߊ߲߬ߞߊ߬ߞߎߟߎ߲ ߘߏ߫ ߟߋ߬ ߝߘߌ ߘߌ߫ ߡߎߣߎ߲߬، ߞߊ߬ߕߎ߲߯߸ ߡߍ߲ ߠߎ߬ ߦߋ߫ ߢߍ ߡߊߘߏ߬ߣߌ߲߬ ߠߊ߫ ߞߵߊ߬ ߟߊߦߍ߬ߟߍ߫ ߘߊ߲߬ߞߊ߬ߞߎߟߎ߲ ߞߣߐ߫߸ ߏ߬ ߟߎ߬ ߕߏ߫ ߘߴߏ߬ ߟߋ ߟߊ߫߸ ߘߊ߲߬ߞߊ߬ߞߎߟߎ߲ ߥߎ߬ߛߊ߲߬ߞߌ߬ ߘߊ߫ ߞߊ߬ ߝߘߌ߫ ߊ߬ߟߎ߫ ߞߎ߲߬ߠߊ߫، ߡߍ߲ ߠߎ߬ ߕߊ߯ ߘߊ߫ ߡߞߊ߬ߘߊ߲߬ߠߌ߲߬ ߦߌߟߊ ߘߐ߫ ߦߋ߲߬ ߛߊ߫߸ ߥߎ߬ߛߊ߲߬ߞߟߌ߬ ߝߌߟߊߣߊ߲ ߞߍ߫ ߘߊ߫ ߏ߬ ߟߎ߫ ߟߋ߬ ߞߊ߲߬߸ ߞߊ߬ ߡߐ߰ ߞߋߟߋ߲߫ ߠߋ߬ ߛߊ߬ ߘߊ߫ ߏ߬ ߟߎ߬ ߘߐ߫، ߏ߬ ߟߎ߬ ߦߙߌߞߊ ߕߎ߲߬ ߦߋ߫ ߡߐ߰ ߞߐ߬ߣߐ߲߬ߘߐ߫ ߟߋ߬ ߘߌ߫، ߓߊ߬ߙߌ߬߸ ߡߍ߲ ߠߎ߬ ߕߍ߬ߘߍ߫ ߘߊ߲߬ߞߊ߬ߞߎߟߎ߲ ߠߝߊ ߟߊ߫ ߛߊ߫߸ ߏ߬ ߟߎ߬ ߦߙߌߞߊ߫ ߟߊߕߍ߰ߣߍ߲߬ ߡߊ߫ ߛߋ߫ ߟߐ߲߫ ߠߊ߫ ߝߟߐ߫.
ߖߐߞߌߓߊ߯ߕߐ߫ ߡߐ߰ ߞߐ߬ߣߐ߲߬ߘߐ ߏ߬ ߟߎ߬ ߘߐ߫߸ ߡߐ߰ ߞߋߟߋ߲߫ ߠߋ߬ ߛߊ߬ ߘߊ߫، ߡߐ߰ ߟߏ߯ߟߎ߫ ߓߍ߫߸ ߏ߬ ߟߎ߬ ߟߊ߫ ߖߐߞߟߌ ߖߎ߫ߡߊ߲߫ ߞߏߛߓߍ߫߸ ߡߐ߰ ߛߊ߬ߓߊ ߛߊ߫߸ ߏ߬ ߕߏ߫ ߘߊ߫ ߟߋ߬ ߞߌ߲߬ߕߌ߬ߢߊ߲߫߸ ߊ߬ߟߎ߬ ߟߊ߫ ߘߊ߲ߘߊߟߌ ߕߐ߭ ߘߊߞߘߐ߫.
ߘߊ߲ߘߊߟߌߟߊ߫ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫ ߞߏ߬ߣߌ߲ ߛߋ߫ ߘߊ߫ ߢߊߝߐߟߌ߫ ߞߍ߫ ߟߊ߫߸ ߞߊ߬ ߡߐ߰ ߟߏ߯ߟߎ ߢߌ߲߬ ߠߎ߬ ߓߍ߯ ߕߐ߮ ߝߐ߫߸ ߕߙߐߦߊ ߡߍ߲ ߦߴߊ߬ߟߎ߫ ߞߊ߲߬ ߞߵߏ߬ ߝߣߊ߫ ߝߐ߫ ߞߵߊ߬ ߟߊߕߍ߰. ߊ߬ ߓߊ߲߫ ߘߊ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߡߐ߰ ߟߏ߯ߟߎ ߏ߬ ߟߎ߫ ߞߏ߬ߣߌ߲߸ ߞߏ߫ ߓߊ߯ߙߊ ߦߴߌߘߐ߫ ߏ߬ ߟߎ߬ ߟߊ߫ ߕߋ߲߬߸ ߞߵߊ߬ߟߎ߬ ߟߊߞߛߌ߫ ߦߏ߫ ߊ߬ߟߎ߬ ߣߴߊ߬ ߞߊ߫ ߞߊ߲߫ ߢߊ ߡߍ߲ ߡߊ߬، ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊ߬ߟߎ߬ ߦߋ߫ ߝߎ߯ߘߌ ߘߐߥߎ߯ߙߌ ߞߊ߲߬߸ ߖߐ߲߰ߛߊ߫ ߡߍ߲ ߠߎ߬ ߕߍ߬ߘߍ߫ ߘߊ߲߬ߞߊ߬ߞߎߟߎ߲ ߠߝߊ ߞߊ߲߬߸ ߛߊ߫ ߏ߬ ߟߎ߬ ߘߌ߫ ߡߊߛߐ߬ߘߐ߲߬، ߓߊߏ߬߸ ߡߐ߰ ߞߐ߬ߣߐ߲߬ߘߐ߬ ߡߊߛߐ߬ߘߐ߲߬ߣߍ߲ ߏ߬ ߟߎ߬ ߓߍ߯ ߦߋ߫ ߡߞߊ߬ߘߊ߲߬ߠߌ߲߬ߠߊ ߟߎ߫ ߟߋ߬ ߘߌ߫߸ ߣߌ߫ ߡߐ߰ ߞߋߟߋ߲߫ ߛߊ߬ ߘߴߊ߬ߟߎ߬ ߘߐ߫.
ߊߓߎߓߊߞߊ߯ߙ ߖߐ߲߬ߡߊߛߌߣߌ߲ߟߐ߲߫ ߞߊ߬ߟߐ ߓߟߏ߫
ߛߌߟߊߓߐߛߐ߯ߣߊ߫ ߞߐߦߌߘߊߓߊ߮ ߛߌ߯ߙߌ߲߫.
