ߊ߬ ߞߊߙߏ߫ ߛߓߊ߫ ߡߊߛߎߘߎ߲ߧߊ ߟߋ߬ ߕߍ߬ߘߍ߫ ߕߋ߲߬ ߊߡߋߙߌߞߌ߬ ߞߊ߬ߝߏ߬-ߟߊߘߍ߬ߣߍ߲ ߟߊ߬ߛߌ߰ߘߊ ߟߊߘߎ߲ߣߍ߲߫ ߖߋ߬ߟߌ߬ߓߊ߬ߘߎ߯ (ߣߌߗ߭ߍߙ). ߟߊ߬ߛߌ߰ߘߊ ߞߐ߬ߣߌ߲ ߓߘߴߊ߬ ߟߊߛߋ߫ ߞߏ߫ ߊ߬ߟߎ߬ ߓߘߊ߫ ߓߊ߯ߙߊ ߟߎ߬ ߘߊߡߌ߬ߣߊ߬ ߞߎߘߊߘߌ߫ ߞߎߣߎ߲ߟߏ߲ ߢߌ߲߬ ߡߊ߬߸ ߕߙߊߓߊ ߕߟߋ߬ ߁߉߸ ߏ߬ ߡߍ߲ ߞߍߕߐ߫ ߘߊ߲߭ߛߌ߰ߣߍ߲ ߘߌ߫ ߟߊ߬ߘߎ߲߬ߠߌ߲ ߥߎ߬ߛߎ ߟߊ߫ ߡߍ߲ ߘߊߡߌ߬ߣߊ߬ ߘߊ߫ ߂߀߂߄ ߞߏߟߌ߲ߞߏߟߌ߲ ߃߁߸ ߞߵߏ߬ ߞߎ߲߭ ߞߍ߫ ߡߊ߬ߡߙߊ߬ߟߌ߬ ߝߙߋߞߋ ߘߏ߫ ߟߎ߫ ߘߌ߫ ߝߘߏ߬ߓߊ߬ ߓߟߏߡߊ߬.
ߊߡߋߙߌߞߌ߬ ߟߊ߫ ߕߍߓߊ߯ߦߊ ߟߊ߬ߛߌ߰ߘߊ ߡߍ߲ ߦߋ߫ ߢߊߡߍ߫ ߣߐ߬ߘߎ߮ ߘߐ߫߸ ߞߵߊ߬ ߦߌ߬ߘߵߊ߬ ߟߊ߫ ߟߊ߬ߛߋ߬ߟߌ߬ ߟߊߖߍ߲ߛߍ߲ߣߍ߲ ߘߏ߫ ߘߐ߫ ߊ߬ ߟߊ߫ ߝߘߏ߬ߓߊ߬ ߓߌ߬ߟߊ߬ߢߐ߲߰ߡߊ߬ ߛߌߟߊ ߟߎ߫ ߞߊ߲߬߸ ߞߏ߫:
« ߞߊ߬ߝߏ߬-ߟߊߘߍ߬ߣߍ߲ ߠߎ߬ ߟߊ߫ ߟߊ߬ߛߌ߰ߘߊ ߡߍ߲ ߢߊߡߍ߫߸ ߛߍߥߊߣߍ߲ ߦߴߊ߬ ߟߊߛߋ߫ ߟߊ߫ ߞߏ߫ ߊ߬ ߓߘߴߊ߬ ߟߊ߫ ߟߊ߬ߛߌ߰ߘߊ߬ ߓߊ߯ߙߊ ߟߎ߬ ߓߍ߯ ߟߊߘߍ߬ߣߍ߲ ߘߊߡߌ߬ߣߊ߬ ߡߎ߬ߕߎ߲߬߸ ߏ߬ ߡߍ߲ ߕߎ߲߬ ߠߊߟߐ߬ߣߍ߲߬ ߘߏ߯ߣߍ߲߫. »
ߊ߬ ߕߎ߲߬ ߓߘߊ߫ ߜߊ߬ ߞߎߡߊ ߟߊ߫ ߞߘߏߞߘߏ߫ ߞߊ߬ߦߌ߯ ߟߊ߬ߘߎ߲߬ߠߌ߲ ߘߊߡߌߣߊ߫ ߕߎߡߊ ߟߊ߫߸ ߞߏ߫ ߣߌ߫ ߞߏߢߊ ߣߌ߲߬ ߕߍ߫ ߞߍ߫ ߕߍߓߊ߯ߦߊߞߏ ߕߍߜߟߍߦߊ ߘߏ߲߬ߣߍ߲ ߘߌ߫ ߥߊߛߌ߲ߕߐ߲ߣ ߣߌ߫ ߢߊߡߍ߫ ߕߍ߫. ߏ߬ ߟߋ߬ ߘߐ߫ ߛߐ߲߬߸ ߖߋ߬ߟߌ߬ߓߊ߬ߘߎ߯ ߝߊ߰ߡߊ ߟߎ߫ ߞߵߊ߬ߟߎ߬ ߞߊߟߌߦߊ߫ ߌߞߘߐ߫ ߞߵߊ߬ ߞߏ ߢߊߘߐߜߍߦߊ߫ ߡߐ߱ ߟߎ߬ ߦߋ߫، ߞߏ߫ ߊ߬ߟߎ߬ ߦߋ߫ ߡߊ߬ߡߙߊ߬ߟߌ߬ ߛߊߙߌߦߊ ߘߏ߫ ߟߎ߫ ߟߋ߬ ߞߊ߲߬ ߡߍ߲ ߟߐ߬ߣߍ߲߫ ߟߊ߬ߛߌ߰ߘߊ ߞߏߢߊ ߟߎ߬ ߢߊߓߐߘߊ ߡߊߝߊ߬ߟߋ߲߬ߠߌ߲߬ ߞߏ ߡߊ߬، ߞߏ߫ ߕߍߓߊ߯ߦߊߞߏ ߕߍߜߟߍߦߊ߫ ߛߌ߫ ߕߍ߫. ߏ߬ ߟߋ߬ ߡߊ߬߸ ߖߋ߬ߟߌ߬ߓߊ߬ߘߎ߯ ߞߊ߬ ߖߊ߬ߛߙߋ߬ߡߊ߬ߟߊ ߞߍ߫ ߞߊ߬ ߓߐ߫ « ߞߎߡߊߞߊ߲߫ ߞߏߙߏ߲߫ ߝߐ ߟߎ߬» ߣߌ߫ « ߤߊߞߟߌߘߐߞߍ ߓߊ߯ߙߊ ߟߎ߫» ߡߊ߬.
ߓߊ߯ߙߊ ߟߎ߬ ߘߊߡߌ߬ߣߊ ߘߎ߰ߘߋ߲ ߠߎ߬ ߣߌ߫ ߘߌ߬ߢߍ߬ߡߊ߬ߛߓߍ߬ (ߝ߭ߌߖ߭ߊ) ߢߌ߬ߣߌ߲߬ߠߊ ߦߋ߫\ߞߏߛߐ߲߬
ߟߊ߬ߛߌ߰ߘߊ ߟߊ߫ ߟߊ߬ߛߋ߬ߟߌ ߘߐ߫߸ ߞߏ߫ ߘߌ߬ߢߍ߬ߡߊ߬ߛߓߍ߬ ߢߌߣߌ߲ ߓߊ߬߸ ߊߡߋߙߌߞߌ߬ ߘߎ߰ߘߋ߲߫ ߛߌ߰ߓߊ߰ߕߐ ߟߎ߬ ߥߟߊ߫ ߕߊ߬ߡߌ߲߬ߓߊ߰ߕߐ ߟߎ߬ ߡߊߜߍ߲ ߖߋ߬ߟߌ߬ߓߊ߬ߘߎ߯ ߞߣߐ߫ ߓߊ߬߸ ߞߊߕߙߍ߬ߕߍ߫ ߟߊ߬ߛߌ߰ߘߊ ߘߋ߬ߙߌ߬ߣߊ߲߬ߞߏ߫ ߕߐ߬ߡߊ ߟߎ߫ ߡߊ߬߸ ߏ߬ ߓߍ߯ ߓߊ߯ߙߊ ߟߎ߬ ߞߍ ߓߘߊ߫ ߘߊߡߌ߬ߣߊ߬ ߡߎ߬ߕߎ߲߬ ߛߍߣߍ߲߬ ߝߋߎ߫.
ߞߏ߫ ߢߐ߲߯ߦߋ ߘߐߛߊ߬ ߘߴߊ߬ߟߎ߬ ߣߌ߫ ߡߐ߱ ߡߍ߲ ߠߎ߬ ߕߍ߫ ߟߊ߬ߘߎ߲߬ߠߌ߲ ߞߎ߲߬ߕߊ߮ ߞߘߐ߫߸ ߟߊ߬ߛߌ߰ߘߊ ߓߊ߯ߙߘߊ ߟߎ߬ ߘߌߣߵߏ߬ ߟߎ߬ ߓߍ߯ ߡߊߞߟߌ߫. ߡߐ߰ ߜߘߍ ߡߍ߲ ߠߎ߬ ߡߊ߬ߞߏ ߓߊ߯ ߞߍ߫ ߊ߲ ߠߊ߫ ߞߎ߲߬ߠߊ߬ߝߏ߬ߣߌ߲߬ ߜߘߍ߫ ߟߎ߫ ߘߐ߫ ߛߊ߫߸ ߏ߬ ߟߎ߬ ߘߌ߫ ߛߋ߫ ߞߊ߬ ߟߊ߬ߛߌ߰ߘߊ ߟߊ߫ ߝߘߏ߬ߓߊ߬ ߞߍߦߙߐ ߞߎ߲ߝߊ߲ߓߐ߫.
ߕߍߓߊ߯ߦߊ ߖߐ߲ߖߐ߲ߦߊߟߌ ߕߐ߰ߡߊ߬ߛߙߋ
ߖߋ߬ߟߌ߬ߓߊ߬ߘߎ߯ ߞߣߐߟߊ ߝߛߏ߬ߝߛߊ ߟߎ߬ ߣߴߊ߬ ߕߊ߫ ߓߘߍ߬ߓߘߍ߬ߟߌ ߓߟߏ߫ ߛߌߛߍ߲߬، ߟߊ߬ߞߙߐ߬ߛߌ߬ߟߌ߬ߟߊ߬ ߛߌߦߊߡߊ߲߫ ߓߘߴߊ߬ ߦߌߘߊߞߊ߬ ߞߏ߫ ߟߊ߬ߛߌ߰ߘߊ ߟߊ߫ ߓߊ߯ߙߊ ߟߎ߬ ߘߊߡߌ߬ߣߊ ߣߌ߲߬ ߦߋ߫ ߕߐ߰ߡߊ߬ߛߙߋ߬ ߢߌߡߊ߫ ߟߋ߬ ߘߌ߫ ߜߋ߲߬ߞߘߎ߬ߢߐ߲߰ߦߊ ߖߐ߲ߖߐ߲ߦߊ ߘߐ߫ ߖߡߊ߬ߣߊ ߝߌ߬ߟߊ ߣߌ߫ ߢߐ߲߯ ߕߍ߫. ߣߌ߫ ߡߐ߰ ߘߴߊ߬ ߟߊߓߐ߫ ߞߎߡߊ߫ ߝߍ߬߸ ߖߋ߬ߟߌ߬ߓߊ߬ߘߎ߯ ߖߡߊ߬ߣߊ ߡߙߊ߬ߣߍ߲߫ ߣߊ߲߬ߕߌ߰ ߡߙߊߞߊ߲ ߠߋ߬ ߓߟߏ߫ ߞߊ߬ߦߌ߯ ߂߀߂߃ ߞߊ߬ߙߌߝߐ߭ ߟߊ߫߸ ߡߍ߲ ߞߊ߬ ߞߊ߲ߕߌ߮ ߡߐߤߊߡߍߘ ߓߊߖ߭ߎߡ ߟߊߥߟߏ߫ ߞߊ߬ߝߏ߬ߖߊߛߏ߲ ߠߊ߫.
