ߓߊߦߍߙߣ ߡߎ߳ߣߌߛ ߣߐ߬ ߊ߬ ߟߊ߫ ߖߌߟߊߝߍ ߃߄߲ ߠߋ߬ ߕߊ߬ ߟߊ߫ ߓߌ߬ ߞߊ߯ߙߌ ߣߌ߲߬ ߡߊ߬߸ ߞߊ߬ ߞߍ߫ ߊߟߌߡߊ߲ߘߎ߯ ߞߟߏߞߏ߬ߕߏ ߘߌ߫ ߘߐ߬ߝߐ ߞߣߐ߫، ߊ߬ߟߎ߫ ߣߐ߬ ߓߊߦߍߙ ߟߋߝ߭ߍߙߑߞߎߖߍ߲ ߠߋ߬ ߓߐ߫ ߟߊ߫ ߦߋ߲߬߸ ߞߊ߬ ߣߵߏ߬ ߣߐ߭ ߘߐ߫߸ ߏ߬ ߡߍ߲ ߕߘߍ߬ ߢߍߓߊ߮ ߘߌ߫ ߘߐ߬ߝߊ߬ߟߋ߲߫ ߕߊ߬ߡߌ߲߬ߣߍ߲ ߝߍ߬. ߒ߬ߓߊ߬߸ ߊ߲߬ߜ߭ߌ߬ߟߋ߬ߘߎ߯ ߝߌ߬ߙߌ߲߬ߕߊ߬ߥߏ߬ߟߊ߸ ߤߊ߬ߙߌ ߞߍߣ ߡߍ߲ ߛߊ߲߬ ߃߁ ߦߋ߫ ߕߋ߲߬߸ ߞߊ߬ߦߌ߯ ߊ߬ ߕߎ߲߬ ߞߊ߬ ߕߏ߬ߟߊ߲߬ߕߊ߲ ߘߊߡߌ߬ߣߊ߬߸ ߊ߬ ߕߎ߲߬ ߡߊ߫ ߞߐ߲ߘߐ߲߫ ߕߊ߬ ߡߎߣߎ߲߬، ߒ߬ߓߊ߬߸ ߏ߬ ߟߊ߫ ߣߐ߲߬ߕߐ߲ ߏ߬ ߓߘߊ߫ ߟߊߥߟߌ߬߸ ߊ߬ ߓߘߊ߫ ߞߐ߲ߘߐ߲߫ ߘߐߜߍ߫ ߕߊ߬، ߓߊߏ߬߸ ߊ߬ ߓߘߊ߫ ߓߌ߬ߟߊ߬ߢߐ߲߰ߠߊ߫ ߂߉ ߟߋ߬ ߞߍ߫߸ ߞߊ߬ ߕߎ߬ ߂߄ ߘߏ߲߬ ߏ߬ ߞߘߐ߫.
ߓߊߦߍߙߣ ߡߎ߳ߣߌߛ ߣߐ߬ ߊ߬ ߟߊ߫ ߖߌߟߊߝߍ ߃߄߲ ߠߋ߬ ߕߊ߬ ߟߊ߫ ߓߌ߬ ߘߓߊ߬ߕߊ ߕߟߋ߬ ߄ ߏ߬ ߡߊ߬߸ ߞߊ߬ ߞߍ߫ ߊߟߌߡߊ߲ߘߎ߯ ߞߟߏߞߏ߬ߕߏ ߘߌ߫߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߣߌ߫ ߓߊߦߍߙ ߟߋߝ߭ߍߙߑߞߎߖ߭ߍ߲ ߝߘߊ ߘߌ߫ ߞߊߚߊߕߊߕߊ ߡߊ߬ ߝߙߌߓߐߙߖ߭ (߂-߂)߸ ߓߎ߲ߘߍߛߑߟߌߜ߭ߊ ߟߏ߲߫ ߃߂߲ ߡߊ߬.
ߊ߬ߟߎ߫ ߕߘߍ߬ ߢߍ ߘߐ߫ ߕߏ߲ߘߋ߫ ߈ ߠߋ߬ ߟߊ߫߸ ߏ߬ ߟߋ ߞߊ߬ ߞߐ߲ߘߐ߲ ߘߴߊ߬ߟߎ߫ ߡߊ߬، ߒ߬ߓߊ߬߸ ߓߝ߭ߊߙߎߥߊ ߞߍߙߍ߲ߘߊ ߕߐ߭ ߦߋ߫ ߢߐ߲߯ߓߍ߲߫ ߝߌ߬ߟߊ߬ ߘߐߙߐ߲߫ ߠߋ߬ ߘߌ߫ ߡߎ߬ߕߎ߲߬، ߏ߬ ߟߋ ߞߍߕߐ߫ ߊ߬ ߓߐ߫ ߟߊ߫ ߞߐ ߘߐ߫ ߞߵߊ߬ ߟߊߣߊ߬ ߢߍ ߘߐ߫߸ ߓߊߏ߬ ߊ߬ ߞߍ߫ ߘߊ߫ ߛߓߊߣߊ߲ ߠߋ߬ ߘߌ߫ ߛߊߙߏ߲߬ ߞߟߏߞߕߏߦߊ߫ ߕߊ߲ߠߌ߲ ߘߐ߫.
ߓߊߦߍߙߣ ߞߊ߬ ߕߏߟߏ߲ ߡߍ߲ ߞߍ߫ ߞߎߣߎ߲߬ ߞߍ߲ߘߍߟߏ߲߸ ߊ߬ ߣߌ߫ ߟߍߔߑߖ߭ߌߖ߭ ߟߊ߫ ߓߌ߬ߟߊ߬ߢߐ߲߰ߠߊ ߝߍ߬߸ ߊ߬ߟߎ߬ ߝߘߊ߫ ߘߊ߫ ߞߊߚߊߕߊߕߊ ߟߋ߬ ߡߊ߬ (߃-߃).
ߛߊ߲߭ ߕߊ߬ߡߌ߲߬ߣߍ߲߸ ߓߊߦߍߙ ߟߋߝ߭ߍߙߑߞߎߖ߭ߍ߲ ߞߊ߬ ߓߊߦߍߙ ߡߎ߳ߣߌߛ ߟߊ߫ ߛߊ߲߭ ߺ ߊ ߺ ߛߊ߲߬ ߢߍߓߊ߯ߦߊ߫ ߘߊߘߌ ߟߊߛߋ߫ ߟߋ߬ ߊ߬ ߘߊ߲߭ ߠߊ߫، ߒ߬ߓߊ߬ ߢߌ߬ߣߊ߲߬ ߛߊ߫߸ ߞߊ߬ ߝ߭ߍ߲ߛߊ߲ ߞߐ߲ߔߊߣߌ߫ ߕߏ߫ ߓߊߦߍߙߟ ߞߎ߲߬ߠߊ߫߸ ߊ߬ߟߎ߬ ߓߘߊ߫ ߣߊ߬ ߢߍߓߊ߯ߦߊ ߟߊ߫ ߝߣߊ߫ ߘߋ߬.
ߘߐ߬ߝߊߟߋ߲ ߣߌ߲߬ ߘߐ߫߸ ߊ߬ߟߎ߬ ߓߘߊ߫ ߗߌߙߏ߲߫ ߛߋ߲߬ߢߊ߫ ߝߌ߬ߟߊ߬ ߘߐߙߐ߲߫ ߠߋ߬ ߓߎ߲ߘߍߛߑߟߌߜ߭ߊ ߣߌ߲߬ ߘߐ߫.
ߤߊ߬ߙߌ ߞߍߣ ߠߊ߫ ߞߐ߲ߘߐ߲߫ ߝߟߐߝߟߐ ߟߋ߬ ߕߋ߲߬߸ ߊ߬ ߟߊ߫ ߕߏ߬ߟߊ߲߬ߕߊ߲ ߡߎ߰ߡߍ ߞߣߐ߫ ߝߟߐ߫ ߣߌ߫ ߓߌ߬ ߕߍ߫، ߞߍ߲ߘߍߟߏ߲ ߓߌ߬ߟߊ߬ߢߐ߲߰ߠߊ ߝߍ߬߸ ߊ߬ ߡߊ߫ ߛߋ߫ ߟߊߕߏߟߏ߲߫ ߠߊ߫߸ ߞߵߏ߬ ߞߎ߲߭ ߞߍ߫ ߝߍ߯ߝߍ߯ ߛߊߦߌߡߊ߫ ߛߌߦߊߡߊ߲߫ ߕߊ߭ ߘߴߊ߬ ߓߟߏ߫߸ ߏ߬ ߟߋ ߞߵߊ߬ߟߎ߫ ߟߐ߬ ߊ߬ ߟߊߘߎ߲߫ ߠߊ߫.
ߡߐ߱ ߟߎ߫ ߕߍ߬ߘߍ߫ ߊ߬ ߢߊߞߘߐߡߊߢߊ߰ߙߌ߬ ߟߊ߫ ߟߋ߬ ߛߐ߲߬߸ ߞߏ߫ ߞߘߊߕߐ ߟߋ߬ ߦߴߊ߬ ߘߌ߫߸ ߞߵߊ߬ ߞߍ߫ ߘߊ߲ߞߊߕߐ ߖߍ߬ߘߍ ߘߌ߫ ߛߐ߲߬، ߓߊߏ߬߸ ߊ߬ ߦߋ߫ ߥߊ߫ ߟߊ߬ߓߊ߲ ߘߏ߫ ߟߎ߫ ߘߐ߫߸ ߊ߬ ߕߴߏ߬ ߟߎ߫ ߕߊ߬ ߟߊ߫ ߡߎ߰ߡߍ߫.
߂߀߁߉ ߟߌߜ߭ ߘߍ߫ ߛ߭ߊ߲ߔߌߦߐ߲ ߝߍ߬߸ ߊ߬ ߡߊ߫ ߛߎߘߊ߲߫߸ ߞߵߊ߬ ߛߐ߬ߘߐ߲߬ ߊ߬ ߦߋ߫ ߕߏߟߏ߲߫ ߠߊ߫ ߕߏߕߋߣߊߡ، ߋߙߏ ߝߣߊ߫ ߝߍ߬߸ ߂߀߂߁ ߣߌ߫ ߂߀߂߄ ߠߊ߫߸ ߊ߬ ߡߊ߫ ߛߌߟߊ߫ ߛߐ߬ߘߐ߲߫ ߦߋ߲߬.
ߊ߬ ߣߊ߭ ߡߍ߲ ߞߍ߫ ߘߊ߫ ߓߊߦߍߙߣ ߡߎ߳ߣߌߛ ߂߀߂߃ ߟߊ߫߸ ߏ߬ ߞߵߊ߬ ߛߐ߬ߘߐ߲߫ ߠߋ߬ ߡߊ߬ ߞߐ߲ߘߐ߲߫ ߝߏߦߌ߬ ߕߊ߬ ߡߎߣߎ߲߬، ߤߊߟߌ߬ ߣߴߊ߬ ߛߐ߬ߘߐ߲߬ ߘߊ߫ ߞߏ߫ ߓߊߦߍߙߣ ߦߋ߫ ߞߍߙߍ߲ߘߊ߫ ߞߐ߲ߘߐ߲߫ ߥߙߍ߫ ߕߌ߮ ߟߋ߬ ߘߌ߫، ߤߊ߲߯ ߕߋ߲߬߸ ߊ߬ ߕߎ߲߬ ߡߊ߫ ߞߐ߲ߘߐ߲߫ ߓߌ߬ߟߴߊ߬ ߟߊ߫ ߝߍߙߍ߲ߓߏ߲ߘߏ߲ ߞߣߐ߫ ߝߟߐ߫.
ߤߊ߬ߙߌ ߞߍߣ ߦߋ߫ ߓߎ߲ߘߍߛߑߟߌߜ߭ߊ ߞߟߏߞߕߏ ߟߋ߬ ߘߌ߫߸ ߞߵߏ߬ ߞߎ߲߭ ߞߍ߫ ߕߎ߬ ߂߄ ߘߏ߲߭ ߘߴߊ߬ ߓߟߏ߫߸ ߡߐ߰ ߡߊ߫ ߡߍ߲ ߢߐ߲߰ ߘߏ߲߬ ߦߋ߲߬ ߝߟߐ߫߸ ߞߵߏ߬ ߟߊ߫ ߟߕߊ߬ߡߌ߲߬ߡߊ߬ߟߌ߬ ߝߊ߲߲ߞߊߣߍ߲߫ ߛߋߦߌ߲߫ ߞߊ߲߬.
ߓߊߦߍߙߣ ߠߊ߫ ߞߐ߲ߘߐ߲߫ ߕߊ ߣߌ߲߬ ߠߋ߬ ߞߍߕߐ߫ ߕߙߎ߬ ߘߌ߫߸ ߕߏߡߊߛ ߡߎ߳ߟߍߙ ߘߌ߫ ߓߐ߫ ߦߋ߲߬߸ ߛߊ߲߭ ߂߅ ߕߊ߬ߡߌ߲ ߞߐߝߍ߬߸ ߓߎ߲ߘߍߛߑߟߌߜ߭ߊ߫ ߁߃ ߦߴߊ߬ ߓߟߏ߫߸ ߞߵߏ߬ ߟߊ߫ ߟߌߜ߭ ߘߍ߫ ߛ߭ߊ߲ߔߌߦߐ߲߫ ߝߌ߬ߟߊ߫ ߞߊ߲߬ (߂߀߁߃ ߕߊ߸ ߊ߬ ߣߌ߫ ߂߀߂߀).
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫
